କାନାଡାରେ ଖଲିସ୍ତାନୀ ଆତଙ୍କବାଦୀ ଅର୍ଶଦୀପ୍ ଡଲ୍ଲା ଗିରଫ
ଖଲିସ୍ତାନୀ ଆତଙ୍କବାଦୀ ତଥା ଭାରତର ମୋଷ୍ଟ ୱାଣ୍ଟେଡ ଅର୍ଶଦୀପ ସିଂହ ଓରଫ ଅର୍ଶ ଡାଲ୍ଲାକୁ କାନାଡା ପୁଲିସ୍ ଗିରଫ କରିଛି। ସେ ଖଲିସ୍ତାନ ଟାଇଗର ଫୋର୍ସର କାର୍ଯ୍ୟକାରୀ ମୁଖ୍ୟ ରହିଥିବା ବେଳେ ହରଦୀପ୍ ସିଂ ନଜ୍ଜାରଙ୍କ ସହଯୋଗୀ। ଗତ ମାସରେ କାନାଡାରେ ହୋଇଥିବା ଗୋଟିଏ ଗୁଳିକାଣ୍ଡ ଘଟଣାରେ ସ୍ଥାନୀୟ ପୁଲିସ ତା’କୁ ଗିରଫ କରିଥିବା ଜଣାପଡ଼ିଛି।
ମିଲଟନ ଟାଉନରେ ଅକ୍ଟୋବର ୨୭ କିମ୍ବା ୨୮ ତାରିଖରେ ଗୋଟିଏ ଗୁଳିକାଣ୍ଡ ଘଟଣା ଘଟିଥିଲା। ଏଥିରେ ଅର୍ଶ ଡାଲା ସାମିଲ ରହିଥିଲା। ତା’ର ଗିରଫ ସମ୍ପର୍କରେ ଭାରତୀୟ ସୁରକ୍ଷା ଏଜେନ୍ସିକୁ ଖବର ମିଳିଛି।
ଭାରତୀୟ ଗୁଇନ୍ଦା ଏଜେନ୍ସିର ତଥ୍ୟ ଅନୁଯାୟୀ, ସେ ଭାରତରେ ବିଭିନ୍ନ ଅପରାଧ ସହ ସମ୍ପୃକ୍ତ ଥାଇ ମୋଷ୍ଟ ଓ୍ବାଣ୍ଟେଡ୍ ତାଲିକାରେ ରହିଛନ୍ତି। ଭାରତରେ ତା’ ନାଁରେ ମାମଲା ରହିଥିବାରୁ ସେ ନିଜ ପତ୍ନୀ ସହ କାନାଡାରେ ରହୁଥିଲା। ଅକ୍ଟୋବର ୨୭/୨୮ରେ ମିଲ୍ଟନ୍ ଟାଉନ୍ରେ ଏକ ସଶସ୍ତ୍ର ଲଢ଼େଇରେ ସେ ସାମିଲ ଥିବା ସନ୍ଦେହ କରାଯାଉଛି। ନିକଟରେ ଘଟିଥିବା ଏକ ଗୁଳିକାଣ୍ଡ ଘଟଣାରେ ହାଲଟନ୍ ରିଜଓନାଲ ପୁଲିସ ସର୍ଭିସ (ଏଚ୍ଆର୍ପିଏସ୍) ତଦନ୍ତ ଚଳାଇଛି।
Powered by Froala Editor
