ଝୁଲାପୋଲ ଦେଖିବାକୁ ଯାଇଥିଲେ, କୁନି ଝିଅକୁ ହରାଇଲେ ବାପା, ମା’
ଫୁଲବାଣୀ ରାଇକିଆ ଥାନା ଅନ୍ତର୍ଗତ ମକବାଲିରେ ବାଇକ୍ ଦୁର୍ଘଟଣାରେ ବାପା ମା’ କୁନି ଝିଅକୁ ହରାଇ ଭାଙ୍ଗି ପଡିଛନ୍ତି । ଝିଅକୁ ଝୁଲାପୋଲ ଦେଖାଇବାକୁ ଯାଇଥିବାବେଳେ ପରିବାରର ହସଖୁସି ଦୁଃଖରେ ପାଲଟିଯାଇଛି ।
ରାଇକିଆ ଥାନା ଅନ୍ତର୍ଗତ ଜିଡିସି ସାହିର ବାରିଷ ଦିଗାଲ ଓ ତାଙ୍କ ସ୍ତ୍ରୀ ଦିବ୍ୟ ଶିକ୍ଷା ପ୍ରଧାନ ୨ ବର୍ଷର ଝିଅ ବାରିଶିଖାକୁ ଧରି ମକବାଲି ନିକଟସ୍ଥ ବେଞ୍ଜାମାହା ଠାରେ ଥିବା ଝୁଲାପୋଲ ଦେଖିବା ପାଇଁ ଯାଇଥିଲେ । ସେଠାରୁ ଫେରିବା ସମୟରେ ମକବାଲି ନିକଟ ନାଉଡ଼ିମାହା ପୋଲ ଉପରେ ଭାରସାମ୍ୟ ହରାଇ ପ୍ରାୟ ୨୦ ଫୁଟ ତଳକୁ ଖସି ପଡିଥିଲେ । ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି ରାଇକିଆ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ଥିବାରୁ ସେମାନଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ବାରିଶିଖାଙ୍କ ମୃତ୍ୟୁ ହୋଇଛି । ମାଆଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଥିବା ବେଳେ ବାପା ଏଠାରେ ଚିକିତ୍ସାଧୀନ ଅଛନ୍ତି ।
ଏ ଘଟଣା ପରେ ବାରିଷ ଦିଗାଲଙ୍କ ପରିବାରରେ ଦଃଖର ଛାୟା ଖେଳିଯାଇଛି । ହସଖୁସିର ସଂସାର ନିମିଷକେ ଶୋକ ଭିତରେ ବୁଡିଯାଇଛି ।
Powered by Froala Editor
