ନୂଆଦିଲ୍ଲୀ: କରୋନାର ଦ୍ୱିତୀୟ ଲହର ସବୁଠି ହଇଚଇ କରିଦେଇଥିବାବେଳେ ଆଗକୁ ତୃତୀୟ ଲହର ଆସୁଛି । ଯାହାକୁ ନେଇ ସମସ୍ତେ ଚିନ୍ତିତ । ତେବେ ଭାରତରେ କରୋନାର ତୃତୀୟ ଲହର  ଅବଶ୍ୟମ୍ଭାବୀ ବୋଲି ବିଶେଷଜ୍ଞମାନେ କହିଛନ୍ତି ।  ଦେଶରେ ତୃତୀୟ ଲହର ନିଶ୍ଚିତ ଆସିବ ବୋଲି ଏମସ ନିଦେ୍ର୍ଧଶକ ରଣଦୀପ ଗୁଲେରିଆ କହିଛନ୍ତି । ଭାରତରେ ୬ରୁ ୮ ସପ୍ତାହ ମଧ୍ୟରେ ତୃତୀୟ ଲହର ଆସିବ ବୋଲି ସେ କହିଛନ୍ତି ।  କିଛି ରାଜ୍ୟ ଅନଲକ ଆରମ୍ଭ କରିଥିବା ଅବସରରେ ସେ କହିଛନ୍ତି ଯେ, ଲୋକ ଯଦି କୋଭିଡ ଗାଇଡଲାଇନ ନମାନନ୍ତି ତେବେ ଏହାର ବ୍ୟାପକ ହେବ ବୋଲି ସେ କହିଛନ୍ତି । ଏହି ପରିପ୍ରେକ୍ଷୀରେ ଯେ ନିୟମ ମାନିବା ସହ ଟିକାକରଣ ବ୍ୟାପକ କରିବାକୁ ଏମସ ନିଦେ୍ର୍ଧଶକ ରଣଦୀପ ଗୁଲେରିଆ ପରାମର୍ଶ ଦେଇଛନ୍ତି । 

ଅନ୍ୟପକ୍ଷରେ ଦ୍ୱିତୀୟ ଲହର ସାମାନ୍ୟ ଟିକେ କମିଯିବା ପରେ ଅଧିକାଂଶ ରାଜ୍ୟରେ ଅନଲକ ଆରମ୍ଭ ହୋଇଯାଇଛି । ଯାହାକୁ ନେଇ କେନ୍ଦ୍ର ଗୃହ ସଚିବ ଅଜୟ ଭାଲ୍ଲା ସତର୍କ କରାଇଛନ୍ତି ।  ଏନେଇ ସେ ସବୁ ରାଜ୍ୟର ମୁଖ୍ୟ ସଚିବମାନଙ୍କୁ ଚିଠି ଲେଖି ସତର୍କ କରାଇଛନ୍ତି । 

 ସେ କହିଛନ୍ତି ଯେ, ସଂକ୍ରମଣ ସାମାନ୍ୟ କମିଯିବା ପରେ କିଛି ରାଜ୍ୟ କଟକଣା କୋହଳ କରୁଛନ୍ତି ।  ତେବେ କଟକଣା କୋହଳ ବେଳେ ଆଦୌ ବେପରୁଆ ନହେବାକୁ କେନ୍ଦ୍ର ଗୃହ ସଚିବ ଅଜୟ ଭାଲ୍ଲା ସତର୍କ କରାଇଛନ୍ତି । ଏଥିସହ କୋଭିଡରେ ଲଗାମ ପାଇଁ ପଞ୍ଚସୂତ୍ରୀ ଫର୍ମୁଲାକୁ କଡ଼ାକଡ଼ି ପାଳନ କରିବାକୁ ସେ କହିଛନ୍ତି ।  କୋଭିଡ ନିୟମ ମାନିବା, ଟେଷ୍ଟ, ଟ୍ରାକ, ଟ୍ରିଟ ଓ ଟିକାକରଣ ପାଇଁ ସେ ପରାମର୍ଶ ଦେଇଛନ୍ତି ।  ଯେଉଁଠି ସଂକ୍ରମଣ ନଜରକୁ ଆସୁଛି, ମାଇକ୍ରୋ କଣ୍ଟେନମେଣ୍ଟ କରିବାକୁ ସେ ପରାମର୍ଶ ଦେଇଛନ୍ତି । ମାଇକ୍ରୋ କଣ୍ଟେନମେଣ୍ଟ କରି ସେଠାରେ ସଂକ୍ରମଣ ଚେନ ଭାଙ୍ଗିବାକୁ କହିଛନ୍ତି ।  ଟିକକରଣକୁ ବି ଜୋରଦାର କରିବାକୁ ଗୃହ ସଚିବ ପରାମର୍ଶ ଦେଇଛନ୍ତି । 

Powered by Froala Editor