ନୂଆଦିଲ୍ଲୀ: କରୋନା ସଂକଟ କାଳରେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପି୍ରୟତା କମି ନାହିଁ । ଏବେ ମୋଦି ବିଶ୍ୱର ସବୁଠାରୁ ଲୋକପି୍ରୟ ନେତା ହୋଇଛନ୍ତି । ଏପରିକି ଲୋକପି୍ରୟତାରେ ସେ ଆମେରିକା ରାଷ୍ଟ୍ରପତି ଜୋ ବାଇଡେନ, ବି୍ରଟେନ ପ୍ରଧାନମନ୍ତ୍ରୀ ବୋରିସ ଜନସନ ଓ ଜର୍ମାନୀ ଚାନସେଲର ଆଞ୍ଜେଲା ମର୍କେଲଙ୍କୁ ମଧ୍ୟ ପଛରେ ପକାଇ ଦେଇଛନ୍ତି । ଆମେରିକାର ଡାଟା ଇଣ୍ଟେଲିଜେନ୍ସ ଫାର୍ମ ‘ମର୍ଣ୍ଣିଂ କନସଲ୍ଟ’ ପକ୍ଷରୁ କରାଯାଇଥିବା ସର୍ଭେରୁ ଏହା ଜଣାପଡ଼ିଛି ।

ସର୍ଭେ ଅନୁସାରେ ମୋଦିଙ୍କ ଗ୍ଲୋବାଲ ଆପ୍ରୁଭାଲ ରେଟିଂ ୬୬ ପ୍ରତିଶତ ରହିଛି । ତେବେ ପୂର୍ବାପେକ୍ଷା ତାଙ୍କର ଲୋକପି୍ରୟତା ୨୦% ହ୍ରାସ ପାଇଛି । ୨୦୧୯ ଅଗଷ୍ଟରେ ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ସମୟରେ ମୋଦିଙ୍କର ଲୋକପି୍ରୟତା ୮୨% ଥିଲା । କିନ୍ତୁ ଏହା ହ୍ରାସ ପାଇ ୬୬% ରେ ପହଞ୍ଚିଛି । ଭାରତ ସମେତ ଆମେରିକା, ବି୍ରଟେନ, ଋଷ, ଅଷ୍ଟ୍ରେଲିଆ, କାନାଡ଼ା, ବ୍ରାଜିଲ, ଫ୍ରାନ୍ସ, ଜର୍ମାନୀ ଭଳି ୧୩ଟି ଶକ୍ତିଶାଳୀ ଦେଶର ନେତାମାନଙ୍କ ଲୋକପି୍ରୟତାକୁ ମଧ୍ୟ ସଂସ୍ଥା ପକ୍ଷରୁ ସର୍ଭେ କରାଯାଇଥିଲା । ମାତ୍ର ୩ଟି ଦେଶର ନେତାଙ୍କ ଗ୍ଲୋବାଲ ଆପ୍ରୁଭାଲ ରେଟିଂ ୬୦% ଉପରେ ଅଛତି । ରିପୋର୍ଟ ମୁତାବକ, ଇଟାଲୀ ପ୍ରଧାନମନ୍ତ୍ରୀ ମାରିଓ ଦ୍ରାଘିଙ୍କ ଲୋକପି୍ରୟତା ୬୫% ଥିଲା ବେଳେ ମେକ୍ସିକୋ ରାଷ୍ଟ୍ରପତି ଲୋପେଜ ଓବ୍ରାଡରଙ୍କର ୬୩% ରହିଛି । ସେହିଭଳି ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନଙ୍କ ଲୋକପି୍ରୟତା ୫୪%  ରହିଛି ।

Powered by Froala Editor