‘କଙ୍ଗୁଭା’ର ଟିଜର ରିଲିଜ ହୋଇସାରିଛି । ଏଥିରେ ସାଉଥ ସୁପରଷ୍ଟାର ସୂର୍ଯ୍ୟା ଯୋଦ୍ଧା ଭୂମିକାରେ ନଜର ଆସିଥିବାବେଳେ ବଲିଉଡ ଷ୍ଟାର ବବି ଦେଓଲ ଖଳନାୟକ ସାଜିଛନ୍ତି । ତେବେ ଟିଜର ଏତେ ଦମଦାର ହୋଇଛି ଯେ, ଫିଲ୍ମ ନିଶ୍ଚୟ ବ୍ଲକବଷ୍ଟର ହେବ ବୋଲି ପ୍ରଶଂସକ କହିଲେଣି । 

ଫିଲ୍ମ ବିଷୟରେ ଅଧିକ ଜାଣିବାକୁ ଅପେକ୍ଷା କରିଥିବା ଦର୍ଶକଙ୍କ ପାଇଁ ନିର୍ମାତା ଏବେ ଏକ ନୂଆ ପୋଷ୍ଟର ରିଲିଜ୍‌ କରିଛନ୍ତି। ନିର୍ମାତା ଏକ ବିଶେଷ ଦିନ ଅର୍ଥାତ୍ ତାମିଲ ନବବର୍ଷ ଅବସରରେ ଏହି ପୋଷ୍ଟର ରିଲିଜ୍ କରିଛନ୍ତି। ସାମାଜିକ ଗଣମାଧ୍ୟମରେ 'କଙ୍ଗୁଭା'ର ପୋଷ୍ଟର ଶେୟାର କରି ଫିଲ୍ମର ନୂଆ ଝଲକ ଦେଖାଇଛନ୍ତି ନିର୍ମାତା। ପୋଷ୍ଟରରେ ସୂର୍ଯ୍ୟାଙ୍କ ୨ଟି ଅବତାର ଦେଖିବାକୁ ମିଳିଛି। 

ସୂର୍ଯ୍ୟାଙ୍କ ଚରିତ୍ରର ଅତୀତ ଓ ବର୍ତ୍ତମାନର ଝଲକ୍ ଏଥିରେ ନଜର ଆସିଛି। ଏହାକୁ ଶେୟାର କରି ନିର୍ମାତା କ୍ୟାପ୍ସନରେ ଲେଖିଛନ୍ତି, ''ଯେଉଁଠାରେ କାଲି ଓ ଆଜି ମୁହାଁମୁହିଁ ହୁଅନ୍ତି, ସେଠାରେ ନୂତନ ଭବିଷ୍ୟତର ଆରମ୍ଭ ହୋଇଥାଏ। #Kanguva ସାରା ବିଶ୍ଵର ପ୍ରେକ୍ଷାଳୟରେ ୨୦୨୪ରେ ମୁକ୍ତିଲାଭ କରିବ।'' ଟିଜରରେ ସୁପରଷ୍ଟାର ସୂର୍ଯ୍ୟାଙ୍କୁ ଜଣେ ସାହସୀ ଯୋଦ୍ଧା ଅବତାରରେ ନଜର ଆସିଥିବାବେଳେ ବବି ଦେଓଲଙ୍କୁ ଭୟଙ୍କର ଖଳନାୟକ ରୂପରେ ଦେଖିବା ଦର୍ଶକଙ୍କ ପାଇଁ ଏକ ଭିନ୍ନ ଅନୁଭୂତି ହେବ।

Powered by Froala Editor