ହ୍ୱାଇଟ୍ହ୍ୟାଟ ଜୁନିୟର ପିଲାଙ୍କୁ ମୋବାଇଲ ଆପ୍ ତିଆରି ପାଇଁ ପ୍ରେରଣା ଦେବାକୁ ସିଆରୱାଇ ସହିତ ହାତ ମିଳାଇଲା
ଭୁବନେଶ୍ୱର : କୋଡିଂ ଓ ଗଣିତ ବିଷୟରେ ଅନ୍ଲାଇନ କ୍ଲାସ ଯୋଗାଇ ଦେଉଥିବା ଏକ ଅଗ୍ରଣୀ ଏଡ୍ଟେକ କମ୍ପାନୀ ହ୍ୱାଇଟ୍ହ୍ୟାଟ ଜୁନିୟର ସମାଜ ଉପରେ ପ୍ରଭାବ ପକାଇବାକୁ ଲକ୍ଷ୍ୟ ରଖୁଥିବା ମୋବାଇଲ ଆପ୍ଲିକେସନ ସୃଷ୍ଟି କରିବା ଦିଗରେ ପିଲାମାନଙ୍କୁ ପ୍ରେରିତ କରିବାକୁ ଅଗ୍ରଣୀ ଅଣ ସରକାରୀ ସଂଗଠନ ସିଆରୱାଇ (ଚାଇଲ୍ଡ ରାଇଟସ୍ ଆଣ୍ଡ ୟୁ) ସହିତ ହାତ ମିଳାଇଛି ।
ଏହି ନୂଆ ସହଭାଗିତାର ଅଂଶସ୍ୱରୂପ ସମାଜରେ ସକାରାତ୍ମକ ପ୍ରଭାବ ପକାଇବା ପ୍ରୟାସକୁ ଆଗେଇ ନେବାଭଳି ମୋବାଇଲ ଆପ୍ ପ୍ରସ୍ତୁତ କରୁଥିବା ଅଂଶଗ୍ରହଣକାରୀ ହ୍ୱାଇଟ୍ହ୍ୟାଟ ଜୁନିୟର ଛାତ୍ରଛାତ୍ରୀଙ୍କୁ ସିଆରୱାଇ ସ୍ୱୀକୃତି/ ପ୍ରମାଣପତ୍ର ପ୍ରଦାନ କରିବ ।
ହ୍ୱାଇଟ୍ହ୍ୟାଟ ଜୁନିୟରର ପାଠ୍ୟକ୍ରମ ପିଲାମାନଙ୍କୁ ସେମାନେ ସମ୍ମୁଖୀନ ହେଉଥିବା ବାସ୍ତବ ଦୁନିଆର ସମସ୍ୟାଗୁଡିକ ସମ୍ପର୍କରେ ଗଠନ ମୂଳକ ଭାବେ ଚିନ୍ତା କରିବା ଏବଂ ତାହାର ସମାଧାନ ନିର୍ଣ୍ଣୟ ନିମନ୍ତେ ଉଦ୍ୟମ କରିବାକୁ ଉତ୍ସାହିତ କରୁଛି । ସଂପ୍ରତି କାର୍ଯ୍ୟକାରୀ ହେବାକୁ ଯାଉଥିବା ଏହି ପ୍ରକଳ୍ପ ପିଲାଙ୍କ ପକ୍ଷରୁ ଉପସ୍ଥାପନ କରାଯାଇଥିବା ଚିନ୍ତାଧାରା ଉପରେ ଆଧାରିତ । ଗତ ଦୁଇବର୍ଷ ମଧ୍ୟରେ ହ୍ୱାଇଟ୍ହ୍ୟାଟ ଜୁନିୟର ଛାତ୍ରଛାତ୍ରୀମାନେ ସାମାଜିକ ପ୍ରଭାବ ପକାଉଥିବା ବିଷୟବସ୍ତୁକୁ କେନ୍ଦ୍ରକରି ଶତାଧିକ ମୋବାଇଲ ଆପ୍ ପ୍ରସ୍ତୁତ କରିଛନ୍ତି । ଏଥିମଧ୍ୟରେ ଖାଦ୍ୟ ଦାନ, ରକ୍ତ/ଅଙ୍ଗ ଦାନ, ବୟସ୍କଙ୍କ ଯତ୍ନ, ଶିକ୍ଷା, ଶାରୀରିକ/ମାନସିକ ଭିନ୍ନକ୍ଷମ ଲୋଙ୍କୁ ସହାୟତା, ଜରୁରୀ କାଳୀନ ଯତ୍ନ, ପିଲାଙ୍କୁ ସହାୟତା ଏବଂ କୋଭିଡ ସହାୟତା ଆପ୍ ଆଦି ଅନ୍ତର୍ଭୁକ୍ତ ।
ଏ ସମ୍ପର୍କରେ ପ୍ରକାଶ କରି ହ୍ୱାଇଟ୍ହ୍ୟାଟ ଜୁନିୟରର ପ୍ରତିଷ୍ଠାତା ଏବଂ ସିଇଓ କରନ ବଜାଜ କହିଛନ୍ତି, “ଅବହେଳିତଙ୍କୁ ସହାୟତା କରିବା ଅଥବା ସମାଜ ପ୍ରତି ଅବଦାନ ରଖିବା ଦିଗରେ ସହାୟତା କରିବା ଲକ୍ଷ୍ୟନେଇ ମୋବାଇଲ ଆପ୍ଲିକେସନ ପ୍ରସ୍ତୁତ କରିବାକୁ ଚାହୁଥିବା ଛାତ୍ରଛାତ୍ରୀଙ୍କ ନିକଟରୁ ପ୍ରତି ମାସରେ ଶତାଧିକ ପ୍ରସ୍ତାବ ଆସୁଛି । ପିଲାମାନଙ୍କ ମଧ୍ୟରେ ଏହି ଅଣ ଲାଭଜନକ ବିଶ୍ୱ ଦୃଷ୍ଟିଭଙ୍ଗୀ ବେଶ ଉତ୍ସାହପ୍ରଦ ହୋଇଛି ଏବଂ ଏହାକୁ ଅଧିକ ସୁଦୃଢ କରିବାକୁ ସିଆରୱାଇ ସହିତ ସହଭାଗିତା କରି ଆମେ ଆନନ୍ଦିତ ।”
ସିଆରୱାଇର ରିଜିଓନାଲ ଡାଇରେକ୍ଟର-ପଶ୍ଚିମ, କ୍ରିଏନ୍ ରାବାଡି କହିଛନ୍ତି, “ଏହି ମହତ ଉଦ୍ଦେଶ୍ୟ ପାଇଁ ହ୍ୱାଇଟ୍ହ୍ୟାଟ ଜୁନିୟର ସହିତ ସହଭାଗିତା କରିବା ନେଇ ଆମେ ଉଲ୍ଲସିତ ଅନୁଭବ କରୁଛୁ । ବିଭିନ୍ନ ସୁବିଧା ସୁଯୋଗ ପାଇବାରୁ ବଞ୍ଚିତ ପିଲାଙ୍କ ସମ୍ପର୍କରେ ଆମ ଯୁବପିଢି ଯେଭଳି ଟିକିନିଖ୍ô ଭାବରେ ପରିଚିତ ହୋଇପାରିବେ ଏବଂ ସେମାନଙ୍କ ମଧ୍ୟରେ ଯେଭଳି ଅଧିକ ସହାନୁଭୂତିଶୀଳ ମନୋଭାବ ସୃଷ୍ଟି କରାଯାଇପାରିବ, ତାହା ସୁନିଶ୍ଚିତ କରାଯିବା ହେଉଛି ଏକ ଉନ୍ନତ ଆଗାମୀ କାଲି ପାଇଁ ସମାଧାନ ପନ୍ଥା ନିରୂପଣର ପ୍ରଥମ ପ୍ରୟାସ ।”
Powered by Froala Editor