କନ୍ନଡ଼ ଫିଲ୍ମରେ ଡେବ୍ୟୁ କରିବେ ‘ବେବୋ’
ଖୁବ୍ ଶୀଘ୍ର ଦକ୍ଷିଣ ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି ବଲିଉଡ଼ ଇଣ୍ଡଷ୍ଟ୍ରିର 'ବେବୋ’ । ସାଉଥ୍ ସୁପରଷ୍ଟାର ୟଶଙ୍କ କନ୍ନଡ଼ ଫିଲ୍ମ 'ଟକସିକ୍' ରେ ନଜର ଆସିବେ । ନିକଟରେ କରୀନା ତାଙ୍କ ପ୍ରଶଂସକଙ୍କ ସହ 'ଜୁମ୍' କଲରେ କଥାବାର୍ତ୍ତା ହୋଇଥିଲେ । ସେ ଫିଲ୍ମର ନାଁ ନ ଜଣାଇ କହିଥିଲେ, 'ମୁଁ ଏକ ବଡ଼ ଦକ୍ଷିଣ ଫିଲ୍ମ କରିବାକୁ ଯାଉଛି । ଏହା ଏକ ପ୍ୟାନ୍ ଇଣ୍ଡିଆ ଫିଲ୍ମ ଥିବାରୁ ଶୁଟିଂ କେଉଁଠି ହେବ କିଛି ଜଣାନାହିଁ । ମୁଁ ପ୍ରଥମ ଥର ପାଇଁ ଏମିତି କିଛି କରୁଥିବାରୁ ବହୁତ ଉତ୍ସାହିତ ।' ତେବେ ନିର୍ମାତାମାନେ ଫିଲ୍ମ ସମ୍ପର୍କରେ କୌଣସି ସରକାରୀ ଘୋଷଣା କରିନାହାଁନ୍ତି ।
ସାଉଥ୍ ସୁପରଷ୍ଟାର ୟଶ ନିଜ ଆଗାମୀ ଫିଲ୍ମ 'ଟକସିକ୍' ବିଷୟରେ ଘୋଷଣା କରିଥିଲେ । ୨୦୨୫ ଏପ୍ରିଲ ୧୦ରେ ଏହି ଫିଲ୍ମ ରିଲିଜ୍ ହେବ । ଏହି ଫିଲ୍ମର ନିର୍ଦ୍ଦେଶନା ଦେବେ ନ୍ୟାସନାଲ ଆୱାର୍ଡ଼ ବିଜେତା ଗୀତୁ ମୋହନଦାସ । ଯଦି ଏହି ଫିଲ୍ମରେ କରୀନା ୟଶଙ୍କ ସହ ନଜର ଆସିବେ ତେବେ ଫ୍ୟାନଙ୍କ ପାଇଁ ଏହା ବହୁତ ବଡ ଖୁସି ଖବର ।
Powered by Froala Editor
