ରାହୁଲଙ୍କୁ ଭେଟିବାକୁ ଇଚ୍ଛା ଥିଲେ ୧୦ କେଜି ଓଜନ କମାଅ
କଂଗ୍ରେସ ଛାଡ଼ି ମହାରାଷ୍ଟ୍ର ଉପ-ମୁଖ୍ୟମନ୍ତ୍ରୀ ଅଜିତ ପାୱାରଙ୍କ ନେତୃତ୍ୱାଧୀନ ଏନ୍ସିପିରେ ମିଶିଥିବା ଜୀଶାନ ସିଦ୍ଦିକି ଦେଇଥିବା ଏକ ମନ୍ତବ୍ୟ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ସେ କହିଛନ୍ତି ଯେ ରାହୁଲ ଗାନ୍ଧିଙ୍କୁ ଭେଟିବାକୁ ତାଙ୍କୁ ୧୦ କେଜି ଓଜନ ହ୍ରାସ କରି ଆସିବାକୁ କୁହାଯାଇଥିଲା। ଏ ଘଟଣା ଘଟିଥିଲା ଯେତେବେଳେ ରାହୁଲ ଗାନ୍ଧି ଭାରତ ଯୋଡ଼ ଯାତ୍ରା କରିଥିଲେ।
ମହାରାଷ୍ଟ୍ରର ନାନ୍ଦେଡରେ କଂଗ୍ରେସର ଭାରତ ଯୋଡୋ ଯାତ୍ରାର ଆୟୋଜନ ହୋଇଥିଲା। ଏହି ସମୟରେ ରାହୁଲ ଗାନ୍ଧିଙ୍କ ନିକଟବର୍ତ୍ତୀ ଲୋକମାନେ ମୋତେ କହିଥିଲେ ଯେ ଯଦି ମୁଁ ରାହୁଲ ଗାନ୍ଧିଙ୍କୁ ଭେଟିବାକୁ ଇଚ୍ଛା ରଖିଛି ତେବେ ମୋତେ ୧୦କିଲୋ ଓଜନ ହ୍ରାସ କରିବାକୁ ପଡ଼ିବ।’
ଏଥିସହିତ ସିଦ୍ଦିକି କହିଛନ୍ତି ଯେ କଂଗ୍ରେସରେ ସଂଖ୍ୟାଲଘୁ ନେତାମାନଙ୍କୁ ଅସଦାଚରଣ କରାଯାଉଛି। ଦଳରେ ଭେଦଭାବ ଓ ସାମ୍ପ୍ରଦାୟିକ ଆଭିମୁଖ୍ୟ ରହିଛି। ଯାହାକି ଗ୍ରହଣୀୟ ନୁହେଁ। ସୂଚନାଯୋଗ୍ୟ, ପୂର୍ବତନ କଂଗ୍ରେସ ନେତା ବାବା ସିଦ୍ଦିକିଙ୍କ ପୁଅ ଜିଶାନ ସିଦ୍ଦିକିଙ୍କୁ ମୁମ୍ବାଇ ଯୁବ କଂଗ୍ରେସ ସଭାପତି ପଦରୁ ହଟାଇ ଦିଆଯାଇଛି।
Powered by Froala Editor
