ଆଉ ନାହାନ୍ତି ଋତୁରାଜ, ହୃଦ୍ଘାତରେ ମୃତ୍ୟୁ
ଅଭିନେତା ଋତୁରାଜ ସିଂହ ଆଉ ନାହାନ୍ତି। ମୃତ୍ୟୁ ବେଳକୁ ତାଙ୍କୁ ୫୯ ବର୍ଷ ହୋଇଥିଲା। ଟିଭି ଦୁନିଆର ଲୋକପ୍ରିୟ ଶୋ ଅନୁପମାରେ ନଜର ଆସୁଥିଲେ ଋତୁରାଜ । ଅଭିନେତାଙ୍କ ଅଚାନକ ନିଧନ ଖବର ଶୁଣି ଟିଭି ଜଗତ ଶୋକପ୍ରକାଶ କରିଛି ।
ଛୋଟ ପରଦାଠୁ ଆରମ୍ଭ କରି ଫିଲ୍ମ ଓ ୱେବ ସିରିଜରେ ନିଜ ଛାପ ଛାଡ଼ିଥିବା ଋତୁରାଜଙ୍କର ହୃଦଘାତ ଯୋଗୁ ମୃତ୍ୟୁ ହୋଇଥିବା ଜଣାପଡ଼ିଛି। ତାଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ବି- ଟାଉନ୍ରେ ଶୋକର ଛାୟା ଖେଳି ଯାଇଛି।
ଦୀର୍ଘଦିନରୁ ସେ ଅସୁସ୍ଥ ଥିଲେ । ଅଗ୍ନାଶୟ ସମସ୍ୟାରେ ପୀଡିତ ହୋଇ ଚିକିତ୍ସିତ ହେଉଥିଲେ । ସୋମବାର ବିଳମ୍ବିତ ରାତିରେ ତାଙ୍କର ହୃଦଘାତ ହୋଇଥିଲା । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲ । ଏହାପରେ ହୃଦଘାତରେ ତାଙ୍କର ମୃତ୍ୟୁ ହୋଇଥିବା ପରିବାର ପକ୍ଷରୁ କୁହାଯାଇଛି।
ଅପନି ବାତ, ଜ୍ୟୋତି, ହିଟଲର ଦିଦି, ଶପଥ, ୱାରିଅର ହାଇ, ଆହଟ, ଅଦାଲତ, ଦିୟା ଔର ବାତି ହମ ଭଳି ଲୋକପ୍ରିୟ ଶୋରେ ସେ କାମ କରିସାରିଛନ୍ତି । ସେହିପରି ରାଜନୀତି ଓ ବଦ୍ରିନାଥ କି ଦୁଲହନିଆଁ ଭଳି ଫିଲ୍ମରେ ଋତୁରାଜ ଅଭିନୟ କରିଛନ୍ତି ।
ନିଜ ଅଭିନୟ ଯାଦୁରେ ଭିନ୍ନ ଭିନ୍ନ ଚରିତ୍ରକୁ ଜୀବନ୍ତ କରି ପାରୁଥିଲେ ଋତୁରାଜ। ସେଥିପାଇଁ ସେ ସବୁବେଳେ ଦର୍ଶକଙ୍କ ହୃଦୟରେ ରହିବା ସହ ଭଲ ପାଇବା ସାଉଣ୍ଟି ପାରୁଥିଲେ । ଜୀବନର ଶେଷ ସମୟରେ ସେ ‘ଅନୁପମା’ ସିରିଏଲରେ ଅଭିନୟ କରିଥିଲେ।
Powered by Froala Editor
