ତୁମେ ମନାରାଙ୍କୁ ପସନ୍ଦ କର! ବିକିଙ୍କୁ ଏମିତି କହି କାନ୍ଦିଲେ ଅଙ୍କିତା
ବିଗ୍ ବସ୍ ୧୭ରେ ଏଥର ଟିଭି ସେଲିବ୍ରିଟିମାନଙ୍କ ସହିତ କଣ୍ଟେଣ୍ଟ କ୍ରିଏଟରମାନେ ମଧ୍ୟ ସୋ'ରେ ପ୍ରବେଶ କରିଛନ୍ତି। ପ୍ରଥମ ସପ୍ତାହରୁ ହିଁ ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କର ତାଙ୍କ ସ୍ବାମୀ ବିକି ଜୈନଙ୍କ ସହ ଅନେକ ଥର ଝଗଡ଼ା ହୋଇଥିବା ଦର୍ଶକ ଦେଖିଛନ୍ତି। ଅଙ୍କିତା ସବୁଠୁ ଅଧିକ ପାରିଶ୍ରମିକ ନେଇଥିବା ପ୍ରତିଯୋଗୀ ହୋଇଥିବା ବେଳେ ବିଗ୍ ବସ୍ ପାଇଁ ତାଙ୍କର ଅବଦାନ ସେତେଟା ଦେଖିବାକୁ ମିଳିନାହିଁ। ଅନେକ ସମୟରେ ସେ ନିଜ ସ୍ବାମୀଙ୍କ ସହ ହିଁ ଝଗଡ଼ା କରୁଥିବାର ନଜର ଆସିଛନ୍ତି।
ଏବେ ଭାଇରାଲ ହୋଇଥିବା ପ୍ରୋମୋରେ ଅଙ୍କିତା କାନ୍ଦୁଥିବାର ଦେଖାଯାଇଛି। ବିକିଙ୍କୁ ବିବାହ କରି ଭୁଲ କରିଦେଲି ବୋଲି ସେ କହୁଛନ୍ତି। ପ୍ରେମୋରେ ଅଙ୍କିତା, ବିକିଙ୍କୁ କହୁଛନ୍ତି ଯେ, ତୁମେ ମନାରାକୁ ବହୁତ ପସନ୍ଦ କରୁଛ। ତାଙ୍କ ସହ କଥା ହୋଇ ତୁମକୁ ମଜା ଲାଗୁଛି। ଏହା ପରେ ବିକି କହୁଛନ୍ତି, ତୁମେ ମୋର ସବୁ ସାଙ୍ଗମାନଙ୍କୁ ଏଭଳି କହି ବନ୍ଧୁତା ଭାଙ୍ଗିଦିଅ। ବିବାହ କରିଛି, ଗୁଲାମ ନୁହଁ।
ସୂଚନା ଅନୁଯାୟୀ, କିଛି ଦିନ ତଳେ ଅଙ୍କିତା ସ୍ବାମୀଙ୍କୁ ଛାଡ଼ପତ୍ର ମାଗିଥିବା ବେଳେ ପରେ ବିକି ପତ୍ନୀଙ୍କୁ ମାଡ଼ ମାରିବା ପାଇଁ ହାତ ଉଠାଇଥିଲେ ।
Powered by Froala Editor
