କାର୍ଗିଲରେ ସଫଳତାର ସହିତ ଅବତରଣ କଲା ସି-୧୩୦ଜେ ସୁପର ହରକ୍ୟୁଲିସ୍ ବିମାନ
ନୂଆଦିଲ୍ଲୀ: ଭାରତୀୟ ବାୟୁସେନାକୁ ଆଉ ଏକ ସଫଳତା । ଏୟାରଫେର୍ସ ନିଜର ସି-୧୩୦ଜେ ସୁପର ହରକ୍ୟୁଲିସ୍ ବିମାନକୁ କାର୍ଗିଲ୍ ଏୟାରଷ୍ଟ୍ରିପରେ ରାତିରେ ସଫଳତାର ସହିତ ଅବତରଣ କରିଛି । ଏଥିରେ ବାୟୁସେନାର ଗରୁଡ଼ କମାଣ୍ଡୋଙ୍କୁ ପଠାଯାଇଥିଲା । ସ୍ପେଶାଲ ଫୋର୍ସ ଏହି ଟ୍ରେନିଂରେ ଅଂଶିଦାର ଥିଲେ । ଜରୁରୀ ପରିସ୍ଥିତିରେ କିଭଳି କାର୍ଗିଲରେ ଅତିଶୀଘ୍ର ଯବାନଙ୍କୁ ନିୟୋଜିତ କରି ମୋର୍ଚ୍ଚା ସମ୍ଭାଳି ହେବ ତା’କୁ ଏଥିରେ ଶିଖା ଯାଇଥିଲା । ଗରୁଡ଼ କମାଣ୍ଡୋ ଫୋର୍ସ, ବାୟୁସେନାର ଏକ ସ୍ବତନ୍ତ୍ର ତାଲିମ୍ ପ୍ରାପ୍ତ କମାଣ୍ଡୋ ୟୁନିଟି । ତେବେ କାର୍ଗିଲର ଅତି ବିପଦପୂର୍ଣ୍ଣ ସ୍ଥାନରେ ବାୟୁସେନା ବିମାନକୁ ଅବତରଣ କରିଥିଲା । ଏହି ଭିଡିଓକୁ ସୋସିଆଲ୍ ମିଡିଆ ଏୟାରଫୋର୍ସ ପୋଷ୍ଟ କରିଛି ।
ସମୁଦ୍ର ପତନରୁ ଅଧିକ ଉଚ୍ଚ ସ୍ଥାନରେ ଏୟାରକ୍ରାଫ୍ଟ ଲ୍ୟାଣ୍ଡିଂ କଲାବେଳେ ସମସ୍ୟା ହୋଇଥିଏ । ଏହା ପାଇଲଟଙ୍କ ପାଇଁ ଅତ୍ୟନ୍ତ ଚ୍ୟାଲେଞ୍ଜପୂର୍ଣ୍ଣ କାମ । ତେବେ ହିମାଳୟର ପାହାଡ଼ ଉପରେ କାର୍ଗିଲ ଏୟାରଷ୍ଟ୍ରିପରେ ବାୟୁସେନା ବିମାନ ସି-୧୩୦ଜେ ସୁପର ହରକ୍ୟୁଲିସ୍ ସଫଳତାର ସହ ଅବତରଣ କରିଛି । ପ୍ରଥମେ ପାଇଲଟ୍ ଏହି ବିମାନକୁ ଉତ୍ତରାଖଣ୍ଡର ଧାରାସୁର ୩ହଜାର ଫୁଟ୍ ଉଚ୍ଚରେ ଏୟାରଷ୍ଟ୍ରିପରେ ଲ୍ୟାଣ୍ଡିଂ କରାଇଥିଲେ ।
Powered by Froala Editor
