ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆ ପକ୍ଷରୁ ତିିନି ଦିନରେ ଦାବି ସମାଧାନ ଲାଗି ଅନ୍ଲାଇନ୍ ପ୍ରକ୍ରିୟାର ଶୁଭାରମ୍ଭ
ଭୁବନେଶ୍ୱର: ମହାମାରୀ ସମୟରେ ଆକସ୍ମିକ ଭାବେ ଓ ଅସମୟରେ ନାଗରିକଙ୍କ ମୃତ୍ୟୁ ହେଉଛି । ଲକ୍ଡାଉନ୍ ଓ ଅନ୍ୟାନ୍ୟ ଗମନାଗମନ କଟକଣା ଲାଗିଥିବାରୁ ମୃତକଙ୍କ ନିର୍ଭରଶୀଳମାନେ ମୃତକଙ୍କ ବ୍ୟାଙ୍କ ଖାତାର ଅର୍ଥ ପାଇବା ଲାଗି ଦାବି କରିବା ବେଳେ ଅନେକ ସମସ୍ୟା ସାମ୍ନା କରୁଛନ୍ତି । ଦାବି ଫଇସଲା ଲାଗି ବ୍ୟାଙ୍କ ଶାଖା ପରିଦର୍ଶନରେ ଆସି ହଇରାଣ ହେଉଥିବା ଦାବି ଉପସ୍ଥାପନକାରୀ ଓ ଆଇନଗତ ଉତରାଧିକାରୀମାନଙ୍କ ସମସ୍ୟାକୁ ନଜରରେ ରଖି ସହଜ ଓ ସୁବିଧାରେ ମୃତକଙ୍କ ଦାବିର ପ୍ରକ୍ର୍ରିୟାକରଣ କରିବା ଲାଗି ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆ ପକ୍ଷରୁ ନୂଆ ସ୍କିମ୍ର ଶୁଭାରମ୍ଭ କରାଯାଇଛି । ବ୍ୟାଙ୍କର ଦେୟମୁକ୍ତ ନମ୍ବର ୧୮୦୦୨୨୧୯୧୧ରେ ଦାବି ଉପସ୍ଥାପନ କରାଯାଇଛି । ବ୍ୟାଙ୍କର ୱେବସାଇଟ୍ www.centralbankofindia.co.in ରେ ଥିବା “ହ୍ୱାଟସ୍ ନିଉ ଆଣ୍ଡ୍ ଅଦର ସର୍ଭିସେସ୍’ (“what’s new and other services” )ରେ ମଧ୍ୟ ଦାବି ଅନୁରୋଧ ଉପସ୍ଥାପନ କରିପାରିବେ ।
ଦାବି ସମ୍ପର୍କିତ ସାଧାରଣ ଦସ୍ତାବିଜ ମିଳିବା ପରେ ୧,୦୦,୦୦୦ ଟଙ୍କା ପର୍ଯ୍ୟନ୍ତ କିମ୍ବା ଦାବିର ୫୦% ରାଶି ଯାହା କମ୍ ତାହାର ଫଇସଲା ତିନି ଦିନ ଭିତରେ କରାଯିବ ।
Powered by Froala Editor
