ଚା’ ବିଳମ୍ବ ହେବାରୁ ସ୍ତ୍ରୀକୁ ହାଣିଦେଲା ସ୍ୱାମୀ
ଚା’ ଦେବାରେ ସ୍ତ୍ରୀ ବିଳମ୍ବ କରିବାରୁ ଖଣ୍ଡାରେ ହାଣି ମୁଣ୍ଡଗଣ୍ଡି ଅଲଗା କରି ଦେଇଛି ସ୍ୱାମୀ। ଘଟଣାଟି ଘଟିଛି ଉତ୍ତର ପ୍ରଦେଶର ଗାଜିଆବାଦର ଭୋଜପୁର ଗାଁରେ। ଏହି ଘଟଣାରେ ସ୍ବାମୀକୁ ଗିରଫ କରିଛି ପୋଲିସ । ମଙ୍ଗଳବାର ଦିନ ସକାଳେ ଚା ତିଆରି କରିବାର ବିଳମ୍ବ ହେବାକୁ ନେଇ ସ୍ତ୍ରୀ ସୁନ୍ଦରୀ(୫୦)କୁ ଖଣ୍ଡାରେ ହାଣିଛି ସ୍ବାମୀ ଧରମବୀର(୫୨) ।
ସୂଚନା ଅନୁଯାୟୀ, ସକାଳେ ଚା’କୁ ନେଇ ଧର୍ମବୀର ଓ ସୁନ୍ଦରୀଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ସୁନ୍ଦରୀ ସକାଳ ଚା’ ଦେବାରେ ବିଳମ୍ବ କରିବାରୁ ପ୍ରଥମେ ପାଟି କରିଥିଲେ ଧର୍ମବୀର। ଜବାବରେ ସୁନ୍ଦରୀ କହିଥିଲେ ଯେ ଚା’ ପ୍ରସ୍ତୁତ କରିବାକୁ ଟିକେ ସମୟ ଲାଗିବ। ତା’ପରେ ଉଭୟଙ୍କ ମଧ୍ୟରେ ପାଟିତୁଣ୍ଡ ଆରମ୍ଭ ହୋଇଯାଇଥିଲା। ଏହି ସମୟରେ ସେମାନଙ୍କର ଚାରି ଛୁଆ ଶୋଇଥିଲେ।
ଚିତ୍କାର ଶୁଣି ଗ୍ରାମବାସୀ ଘର ଭିତରକୁ ଆସି ସୁନ୍ଦରୀକୁ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଦେଖିଥିଲେ । ପୋଲିସ ମୃତଦେହକୁ ଜବତ କରିବା ସହ ପୋଷ୍ଟମର୍ଟମ ପାଇଁ ପଠାଇଛି ।
Powered by Froala Editor
