ଗୁରୁବାର ବିହାର ବିଧାନସଭାରେ ମୁଖ୍ୟମନ୍ତ୍ରୀ ନୀତୀଶ କୁମାର ହଠାତ୍‌ ପୂର୍ବତନ ମୁଖ୍ୟମନ୍ତ୍ରୀ ଜିତନ ରାମ ମାନ୍‌ଝୀଙ୍କ ଉପରେ ରାଗି ଯାଇଛନ୍ତି। ତାଙ୍କୁ ଗାଳି ଦେବା ସହ କଡ଼ା ଭାଷାରେ ତାଙ୍କ ବିରୋଧରେ ମନ୍ତବ୍ୟ ଦେଇଛନ୍ତି। ସଂରକ୍ଷଣ ସଂଶୋଧନ ବିଲ୍‌ ଉପରେ ଆଲୋଚନା ଚାଲିଥିବା ବେଳେ ଏହି ଘଟଣା ଘଟିଥିଲା।

ପ୍ରକୃତରେ ବିଧାୟକଙ୍କ ସଂଶୋଧନ ବିଲ୍‌ ଉପରେ ଆଲୋଚନା ବେଳେ ଏହି ଘଟଣା ଘଟିଛି। ବିଲ୍ ଉପରେ ଆଲୋଚନା ବେଳେ ପୂର୍ବତନ ମୁଖ୍ୟମନ୍ତ୍ରୀ ଜିତନ ରାମ ମାଞ୍ଝି ନିଜ ମତ ରଖିଥିଲେ। ସେ କହିଥିଲେ ଯେ ବିହାରରେ ହୋଇଥିବା ଜାତିଗତ ଜନଗଣନାକୁ ମୁଁ ବିଶ୍ୱାସ କରେ ନାହିଁ। ପ୍ରତି ୧୦ ବର୍ଷ ସଂରକ୍ଷଣର ସମୀକ୍ଷା ପାଇଁ ଆଲୋଚନା ହେଉଥିଲେ ମଧ୍ୟ ବିହାର ସରକାର ସଂରକ୍ଷଣର ସମୀକ୍ଷା କରିଛନ୍ତି କି ବୋଲି ସେ ପ୍ରଶ୍ନ କରିଥିଲେ। ସଂରକ୍ଷଣର ଅବସ୍ଥା କ’ଣ ତାହା ସରକାର ଦେଖିବା ଉଚିତ।

ସେ ଏହା କହିବା ମାତ୍ରେ ନୀତୀଶ କୁମାର ଜିତନଙ୍କ ଉପରେ ଖୁବ୍‌ ରାଗି ଯାଇଥିଲେ। ନୀତୀଶ କୁମାର ତାଙ୍କ ସଂଶୋଧନରେ ମାନ୍‌ଝୀଙ୍କୁ ଗାଳି କରିଥିଲେ। ସେ କହିଛନ୍ତି ଯେ ଜିତନ ରାଜ୍ୟପାଳ ହେବାକୁ ଭାଜପା ସହିତ ବାରମ୍ବାର ଯାଉଛନ୍ତି। ନୀତୀଶ ଆହୁରି ମଧ୍ୟ କହିଛନ୍ତି, ମୋର ମୁର୍ଖତା ପାଇଁ ଜିତନ ମୁଖ୍ୟମନ୍ତ୍ରୀ ହୋଇଥିଲେ। କିଏ ତାଙ୍କୁ ମୁଖ୍ୟମନ୍ତ୍ରୀ କଲା? ଏହି ବ୍ୟକ୍ତିଙ୍କର କୌଣସି ଧାରଣା ଅଛି କି ନାହିଁ ବୋଲି ନୀତୀଶ ପଚାରିଥିଲେ।

Powered by Froala Editor