ମା’ ଓ ପୁଅର ସମ୍ପର୍କ ପବିତ୍ର । ଜନ୍ମ କଲା ମା’ହେଉ କି ପାଳିତ ମା’ ନଜରରେ ପୁଅ ପାଇଁ ସ୍ନେହ ଭଲପାଇବା ଥାଏ । ହେଲେ ଏମିତି ଜଣେ ମା’ ଅଛନ୍ତି ଯିଏ ପୁଅକୁ ଭଲ ପାଇ ବିବାହ କରିଛନ୍ତି । ଏ କଥା ଶୁଣିବାକୁ ଅଜବ ଲାଗୁଥିଲେ ବି ସତ । ଜଣେ ଋଷୀୟ ମହିଳା ତାଙ୍କର ୩୧ ବର୍ଷର ପାଳିତ ପୁଅକୁ ବିବାହ କରିଛନ୍ତି । ଯେଉଁ ଘଟଣାକୁ ନେଇ ବର୍ତ୍ତମାନ ଅନେକ ଚର୍ଚ୍ଚା ଦେଖିବାକୁ ମିଳିଛି ।

ସୂଚନା ଅନୁଯାୟୀ, ରୁଷିଆର ସଙ୍ଗୀତକାର ଆଶ୍ଲୁ ଚିଜହେଭସ୍କାୟା ମିଙ୍ଗାଲିମ୍ ଏକ ଅନାଥ ଆଶ୍ରମରେ ଡାନିଏଲ ଚିଜହେଭସ୍କାଏ ନାମକ ଜଣେ ଅନାଥ ଶିଶୁ ସଙ୍ଗୀତ ଶିଖାଉଥିଲେ । ସେବେଠୁ ସେ ଡାନିଏଲଙ୍କୁ ଖୁବ ପସନ୍ଦ କରୁଥିଲେ ଆଉ ଭଲ ପାଉଥିଲେ । ତେବେ ଡାନିଏଲଙ୍କୁ ଯେତେବେଳେ ୧୪ ବର୍ଷ ବୟସ ହୋଇଥିଲା, ସେତେବେଳେ ଏହି ୫୩ ବର୍ଷୀୟା ମହିଳା ତାଙ୍କୁ ପୋଷ୍ୟ ପୁତ୍ର ଭାବେ ଗ୍ରହଣ କରିଥିଲେ । ଏହା ପରେ ଡାନିଏଲଙ୍କୁ ଘରକୁ ଆଣିବାରୁ ଦୁହିଁଙ୍କ ମଧ୍ୟରେ ଭଲପାଇବା ବହୁତ ବଢି ଯାଇଥିଲା । ଦୁହେଁ ଦୁହିଁଙ୍କୁ ଧୀରେ ଧୀରେ ପ୍ରେମ କରିବା ଆରମ୍ଭ କରିଦେଇଥିଲେ । ଶେଷରେ ପୁଅ ମାଆକୁ ବିବାହ କରିନେଇଛି ।

ସେହିପରି ଡାନିଏଲଙ୍କ ବ୍ୟତୀତ ଆଶ୍ଲୁ ଆଉ ୫ ଜଣ ଶିଶୁଙ୍କୁ ମଧ୍ୟ ଅନାଥଶ୍ରମରୁ ଆଣିଥିଲେ । ତେବେ ଆଶ୍ଲୁ ଏବଂ ଡାନିଏଲଙ୍କ ବିବାହ ପରେ ଅନାଥାଶ୍ରମ ଆଶ୍ଲୁଙ୍କ ପାଖରୁ ଉକ୍ତ ୫ଜଣଙ୍କୁ ନେଇଯାଇଥିବା ଜଣାପଡ଼ିଛି ।

ଏ ଘଟଣାକୁ ନେଇ ଅନାଥ ଆଶ୍ରମ ପକ୍ଷରୁ କୌଣସି ବିବୃତ୍ତି ମିଳିନାହିଁ । ଯେହେତୁ ଏହା ସମାଜକୁ ଏକ ବିପରୀତ ବାର୍ତ୍ତା ଦେଉଛି ତେଣୁ ଆଶ୍ରମ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଅନ୍ୟ ପିଲାମାନଙ୍କୁ ସେମାନଙ୍କ ସଙ୍ଗତିରୁ କାଢିବା ପାଇଁ ଫେରାଇ ନିଆଯାଇଛି ।

Powered by Froala Editor