ବନ୍ଦେ ଭାରତ ଏକ୍ସପ୍ରେସ୍ ଚଢ଼ିଯିବାରୁ ମା ଓ ୨ ଝିଅ ମୃତ
ଉତ୍ତର ପ୍ରଦେଶ : ରବିବାର ସନ୍ଧ୍ୟାବେଳେ ଉତ୍ତର ପ୍ରଦେଶ ରାଜ୍ୟର ମିରଟ୍ ଜିଲ୍ଲା ଅନ୍ତର୍ଗତ ଜଗୁଆଳି ଥିବା ‘ଲେବଲ୍ କ୍ରସିଙ୍ଗ୍’ ବା ରେଳ ଫାଟକ ଅତିକ୍ରମ କରୁଥିବାଳେ ବନ୍ଦେ ଭାରତ ଏକ୍ସପ୍ରେସ୍ ଚଢ଼ିଯିବାରୁ ଜଣେ ୪୦ ବର୍ଷୀୟ ମହିଳା ଓ ତାଙ୍କ ୨ ଝିଅଙ୍କର ମୃତ୍ୟୁ ଘଟିଥିବା କଥା ପୁଲିସ କହିଛି। ପୁଲିସ ସୁପରିଣ୍ଟେଣ୍ଡେଣ୍ଟ୍ (ସିଟି) ପୀୟୂଷ କୁମାର ସିଂହ କହିଛନ୍ତି, ଜଗୁଆଳି ଥିବା କସମ୍ପୁର ରେଳ ଫାଟକ ବନ୍ଦ ଥିବା ବେଳେ ଦୁର୍ଘଟଣା ଘଟିଛି। ଘଟଣାସ୍ଥଳରୁ ଶବଗୁଡ଼ିକୁ ଉଦ୍ଧାର କରାଯାଇ ବ୍ୟବଚ୍ଛେଦ ନିମନ୍ତେ ପଠାଇ ଦିଆଯାଇଛି।
କଙ୍କରଖେରା ନିବାସୀ ନରେଶ ଗୋଟାଏ ‘ରେରା’ (ହାତଚାଳିତ ଶଗଡ଼ି) ନେଇ ଯାଉଥିଲେ। ‘ରେରା’ ପଛରେ ବସିଥିଲେ ତାଙ୍କ ୪୦ ବର୍ଷୀୟ ସ୍ତ୍ରୀ ମୋନା, ୧୪ ବର୍ଷୀୟ ଝିଅ ମନୀଷା ଓ ୭ ବର୍ଷୀୟ ଝିଅ ଚାରୁ।କସମପୁର ଜଗୁଆଳି ଥିବା ରେଳ ଫାଟକ ବନ୍ଦ ଥିବାରୁ ନରେଶ ଫାଟକ ତଳବାଟେ ପ୍ରବେଶ କରି ରେଳ ଧାରଣା ଅତିକ୍ରମ କରୁଥିଲେ। ସେତିକି ବେଳେ ସେ ପଥରେ ଆସୁଥିବା ‘ବନ୍ଦେ ଭାରତ ଏକ୍ସପ୍ରେସ୍’ ‘ରେରା’ ପଛରେ ଧକ୍କା ଦେଇ ମୋନା ଓ ତାଙ୍କ ୨ ଝିଅଙ୍କ ଉପରେ ଚଢ଼ିଯିବାରୁ ଘଟଣାସ୍ଥଳରେ ହିଁ ସେମାନଙ୍କର ମୃତ୍ୟୁ ଘଟିଲା।
Powered by Froala Editor
