ଚୋରି କରିବାକୁ ଯାଇଥିଲା, ମହଙ୍ଗା ମଦ ଦେଖି ମାତାଲ ହେଲା ଚୋର
ଚୋରି କରିବାକୁ ମଦ ଦୋକାନରେ ପଶିଥିଲେ । ହେଲେ ଟଙ୍କା ନେବା ବଦଳରେ ଚୋରଙ୍କ ନଜର ପଡିଲା ମହଙ୍ଗା ମଦ ବୋତଲ ଉପରେ । ତାପରେ ଆଉ କ’ଣ ହେବ । ଚୋର ମଦ ପିଇ ମାତାଲ ହୋଇ ପୁଲିସ ହାତରେ ଧରାପଡିଛି ।
ପୂର୍ବ ଦିଲ୍ଲୀର କୃଷ୍ଣନଗର ଅଞ୍ଚଳରେ ଏଭଳି ଘଟଣା ଘଟିଛି । ଚୋରର ନାମ ଚମନ କୁମାର । ଚମନ ଦୁଇ ସାଥୀଙ୍କ ସହ ମିଶି ସଟର ଭାଙ୍ଗିବା ପରେ ଦୋକାନରେ ପ୍ରବେଶ କରିଥିଲା । ଦୋକାନ ଭିତରେ ମଦ ଦେଖି ଚୋରି କରିବା କଥା ଭୁଲିଯାଇଥିଲା । ସେଠାରେ ସେ ପ୍ରଚୁର ମଦ୍ୟପାନ କରିଥିଲେ। ଆଉ ନିଶାରେ ଏଭଳି ଚୁର ହୋଇ ପଡ଼ିଥିଲେ ଯେ ଦୋକାନ ଭିତରେ ଶୋଇପଡ଼ିଥିଲେ । ଚମନର ଏଭଳି ଅବସ୍ଥା ଦେଖି ସାଥିରେ ଆସିଥିବା ଦୁଇ ଚୋର ଘଟଣାସ୍ଥଳରୁ ଫେରାର ହୋଇଯାଇଥିଲେ ।
ପାଟ୍ରୋଲିଂ କରୁଥିବା ପୁଲିସ କର୍ମଚାରୀ ମଦ ଦୋକାନର ସଟର ଭାଙ୍ଗି ଯାଇଥିବାର ଦେଖିଥିଲେ ସେମାନେ ମଦ ଦୋକାନ ଭିତରେ ଛାନଭିନ କରିଥିଲେ । ଚମନ ମାଗଣା ମଦ ଦେଖି ଏତେ ମଦ୍ୟପାନ କରିଥିଲେ ଯେ ସେ ନିଜେ ଦୋକାନରେ ମାତାଲ ଅବସ୍ଥାରେ ପଡିଯାଇଥିଲେ । ପୁଲିସ ଚମନଙ୍କ ବିରୋଧରେ ଧାରା ୪୮୪, ଧାରା ୩୮୦ ଏବଂ ଆଇପିସିର ଧାରା ୩୪ ଅନୁଯାୟୀ ମାମଲା ରୁଜୁ କରିଛି।
Powered by Froala Editor
