ମାତ୍ର ୧୯ ବର୍ଷ ବୟସରେ ମୋଷ୍ଟ ୱାଣ୍ଟେଡ, ଖଲିସ୍ତାନୀ ଆତଙ୍କବାଦୀଙ୍କ ସହ ମଧ୍ୟ ରହିଛି ଲିଙ୍କ
ବୟସ ମାତ୍ର ୧୯ ବର୍ଷ । କିନ୍ତୁ ଅପରାଧ ଦୁନିଆରେ ବଡ ନାଁ । ସେ ହେଉଛି ହରିୟାଣାର ମୋଷ୍ଟୱାଣ୍ଟେଡ ଯୋଗେଶ କାଡିଆନ। କେବଳ ଭାରତୀୟ ପୁଲିସ ନୁହେଁ, ଇଣ୍ଟରପୋଲ ପାଇଁ ମଧ୍ୟ ଯୋଗେଶ ପାଲଟିଯାଇଛି ମୋଷ୍ଟ ଓ୍ବାଣ୍ଟେଡ୍ । ଏହି କାରଣରୁ ଏବେ ଅନ୍ତର୍ଜାତୀୟ ଅପରାଧିକ ପୁଲିସ ସଂଗଠନ (ଇଣ୍ଟରପୋଲ୍) ମଧ୍ୟ ତା ବିରୋଧରେ ରେଡ୍ କର୍ଣ୍ଣର ନୋଟିସ୍ ଜାରି କରିଛି। ତା ବିରୋଧରେ ଏକାଧିକ ହତ୍ୟା, ହତ୍ୟା ଉଦ୍ୟମ ଓ ଅପରାଧିକ ଷଡ଼ଯନ୍ତ୍ର ମାମଲା ରହିଛି । ଯୋଗେଶ ଗତ ପ୍ରାୟ ଦୁଇ ବର୍ଷ ତଳେ ଭାରତ ଛାଡ଼ି ଆମେରିକାରେ ରହୁଛି।
ତାକୁ ମାତ୍ର ୧୭ ବର୍ଷ ବୟସ ହୋଇଥିବା ବେଳେ ସେ ନାବାଳକ ଭାବେ ଆମେରିକା ଚାଲିଥିବା ଖବର ସାମ୍ନାକୁ ଆସିଛି। ବର୍ତ୍ତମାନ ସେ ଆମେରିକାରେ ବାବିନହା ଗ୍ୟାଙ୍ଗର ସଦ୍ୟ ଭାବେ କାମ କରୁଛି। ଯୋଗେଶ ଆଧୁନିକ ଅସ୍ତ୍ରଶସ୍ତ୍ର ବ୍ୟବହାର କରିବାରେ ବେଶ ପାରଙ୍ଗମ। ଲରେନ୍ସ ବିଷ୍ଣୋଇ ଗ୍ୟାଙ୍ଗ୍ସ ସହ ତା’ର ଶତ୍ରୁତା ଲାଗି ରହିଛି। ଏହି ଗ୍ୟାଙ୍ଗ୍ସକୁ ମୁକାବିଲା କରିବା ପାଇଁ ଯୋଗେଶ ଆମେରିକାରୁ ତା’ର ନେଟୱର୍କ ଚଳାଉଛି। ଯୋଗେଶର ଲିଙ୍କ ଖଲିସ୍ତାନୀ ଆତଙ୍କବାଦୀଙ୍କ ସହ ମଧ୍ୟ ରହିଛି।
Powered by Froala Editor
