ପୂଜା ଛୁଟିରେ ଘରକୁ ଆସୁଥିଲେ, ପିଟିଦେଲା ଏକ୍ସପ୍ରେସ୍
ପୂଜା ଛୁଟିରେ ଘରକୁ ଆସିବାବେଳେ ରେଳ ଦୁର୍ଘଟଣାରେ ବୃଦ୍ଧ ଦମ୍ପତି ମୃତ। ସ୍ୱାମୀ-ସ୍ତ୍ରୀ ହାତ ଧରା ଧରି ହୋଇ ଟ୍ରାକ୍ ଅତିକ୍ରମ କରୁଥିବା ବେଳେ ପିଟିଦେଲା ମୁଜାଫରପୁର ଏକ୍ସପ୍ରେସ୍। ଏପରି ମର୍ମନ୍ତୁଦ ଦୁର୍ଘଟଣା ଯାଜପୁର ଜିଲ୍ଲା ବୈତରଣୀ ରୋଡ୍ ଷ୍ଟେସନ୍ରେ । ମୃତକ ସ୍ଥାନୀୟ ବରୁଣ୍ଡେଇ ଗାଁର ଆଶୁତୋଷ ସିହ୍ନା(୭୩) ଓ ସ୍ତ୍ରୀ ଲକ୍ଷ୍ମୀପ୍ରିୟା ସିହ୍ନା।
ଉଭୟ ବାରିପଦାରେ ରହୁଥିବାବେଳେ ପୂଜା ଛୁଟି ପାଇଁ ନିଜ ଗାଁକୁ ଆସୁଥିଲେ। ଟ୍ରେନରେ ଆସି ବୈତରଣୀ ଷ୍ଟେସନରେ ଓହ୍ଲାଇଥିଲେ। ପରେ ରେଳ ଧାରଣା ପାର ହୋଇ ଯାଉଥିବା ବେଳେ ଡାଉନ୍ ଲାଇନରେ ଆସୁଥିବା ମୁଜାଫରପୁର ଏକ୍ସପ୍ରେସ୍ ଉଭୟକୁ ପିଟି ଦେଇଥିଲା। ଘଟଣାସ୍ଥଳରେ ହିଁ ଉଭୟଙ୍କର ମୃତ୍ୟୁ ହୋଇଥିଲା। ରେଳବାଇ ପୁଲିସ୍ ଓ ଆରପିଏଫ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି।
Powered by Froala Editor
