ହାତୀପଲ ଘଉଡାଇବାବେଳେ ରିଲ୍ସ କରୁଥିଲେ ଯୁବକ, ଦନ୍ତା ମାରିଲା ଗୋଇଠା
ରିଲ୍ସ କରିବା ଯେମିତି ନିଶା ହୋଇଗଲାଣି । କିଛି ଯୁବପିଢି ଏଥିପାଇଁ ମୃତ୍ୟୁ ମୁଖକୁ ମଧ୍ୟ ଚାଲିଯାଉଛନ୍ତି । ସେଭଳି ଏକ ଘଟଣା ଘଟିଛି କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକରେ ।
ହରିଚନ୍ଦନପୁର ବ୍ଲକ୍ ହୁଣ୍ଡା ଗ୍ରାମ ନିକଟରେ ୧୮ ଟିକିଆ ହାତୀପଲକୁ ବନ ବିଭାଗ କର୍ମଚାରୀଙ୍କ ସହ ଶହଶହ ଲୋକ ହାତୀପଲକୁ ଘଉଡ଼ାଉଥିଲେ। କିଛି ଲୋକ ହାତୀପଲଙ୍କ ପଟୋ ଉଠାଇବା ସହ ଭିଡିଓ ରେକର୍ଡିଂ କରୁଥିଲେ। ଏହି ସମୟରେ ଜଣେ ଯୁବକ ରିଲ୍ସ ବନାଉଥିଲେ। ଗୋଟିଏ ଦନ୍ତାହାତୀ ତାଙ୍କୁ ଗୋଇଠା ମାରିବାରୁ ସେ ଗୁରୁତର ଆହତ ହୋଇଛନ୍ତି। ଗୁରୁତର ଯୁବକ ଜଣକ ହେଲେ ହୁଣ୍ଡା ଗ୍ରାମର କୁଞ୍ଜ ବେହେରାଙ୍କ ପୁଅ ସୁଶୀଲ (୨୦)। ଗୁରୁତର ସୁଶୀଲଙ୍କୁ କେନ୍ଦୁଝର ଡାକ୍ତରଖାନାରେ ଭର୍ତ୍ତି କରାଯାଇଛି । ସେ ଏବେ ସୁସ୍ଥ ଅଛନ୍ତି ।
Powered by Froala Editor
