ନୃଶଂସ ସ୍ୱାମୀ: ଗଛରେ ଫାଶୀ ଲଗାଇ ସ୍ତ୍ରୀକୁ କଲା ହତ୍ୟା
କରଞ୍ଜିଆ: ମୟୁରଭଞ୍ଜ ଜିଲ୍ଲା ଯଶୀପୁର ଥାନା ଟିକରପଡ଼ା ଗାଁରେ ଅଘଟଣ । ସ୍ତ୍ରୀକୁ ଗଛରେ ଫାଶୀ ଲଗାଇ ହତ୍ୟା କଲା ସ୍ୱାମୀ । ଖବର ଅନୁଯାୟୀ, ବୁଧବାର ବିଳମ୍ବିତ ରାତିରେ ଘରୋଇ କଳିକୁ ନେଇ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଯେଉଁଥିରେ ସ୍ୱାମୀ ରାଗି ଯାଇ ସ୍ତ୍ରୀଙ୍କୁ ଗଛରେ ଫାଶୀ ଲଗାଇ ହତ୍ୟା କରିଛନ୍ତି । ଘଟଣାସଂପର୍କରେ ଖବର ପାଇ ଯଶୀପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଆଉ ଅଭିଯୁକ୍ତ ସ୍ୱାମୀ ରିଣ୍ଟୁ ହୋକୁ ନେଇ ଥାନାରେ ଅଟକ ରଖି ଜେରା କରୁଛି ।
ସେହିପରି ପୋଲିସର ପ୍ରାଥମିକ ତଦନ୍ତ ପରେ ହିଁ ହତ୍ୟା ଘଟଣାର ପ୍ରକୃତ କାରଣ ଜଣାପଡିବ ବୋଲି ସ୍ଥାନୀୟଲୋକେ ଆଶା ରଖିଛନ୍ତି । ତେବେ ଜଣେ ସ୍ୱାମୀ କିପରି ଏତେ ନୃଶଂସ ହେଲା, ତାକୁ ନେଇ ସାଧାରଣରେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି ।
Powered by Froala Editor
