ଭାରତୀୟ କ୍ରିକେଟ ଦଳର ବୃହତ ବିଜୟ ପରେ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ
ଭୁବନେଶ୍ବର : ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଶନିବାର ଖେଳାଯାଇଥିବା ବିଶ୍ୱକପ ମ୍ୟାଚରେ ଭାରତ ପାକିସ୍ତାନକୁ ୭ ୱିକେଟରେ ପରାସ୍ତ କରିଛି। ଚଳିତ ବିଶ୍ବକପ୍ର ହାଇଭୋଲଟେଜ୍ ମ୍ୟାଚ୍ରେ ପାକିସ୍ତାନ ପକ୍ଷର ଦିଆଯାଇଥିବା ୧୯୨ ରନ୍ର ବିଜୟ ଲକ୍ଷ୍ୟକୁ ଭାରତ ୩୦.୩ ଓଭରରେ ୩ ୱିକେଟ ହରାଇ ହାସଲ କରିନେଇଛି। ପାକିସ୍ତାନ ବିପକ୍ଷରେ ଦମ୍ଦାର ବିଜୟ ସହ ଭାରତ ଚଳିତ ବିଶ୍ବକପ୍ରେ ଏପର୍ୟ୍ୟନ୍ତ ଖେଳିଥିବା ସମସ୍ତ ୩ ଟି ଲିଗ୍ ମ୍ୟାଚରେ ବିଜୟ ସହ ୬ ପଏଣ୍ଟ ହାସଲ କରି ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ରହିଛି। ଭାରତୀୟ କ୍ରିକେଟ ଦଳର ପାକିସ୍ତାନ ବିପକ୍ଷ ବୃହତ ବିଜୟ ପରେ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
ନବୀନ ଏକ୍ସ(ଟ୍ବିଟ)ରେ ଲେଖିଛନ୍ତି ‘‘ପାକିସ୍ତାନ ବିପକ୍ଷରେ ଏକ ବୃହତ ବିଜୟ ହାସଲ କରିଥିବାରୁ ଭାରତୀୟ ପୁରୁଷ କ୍ରିକେଟ୍ ଦଳକୁ ଅଭିନନ୍ଦନ। ଦଳ ଚଳିତ ଆଇସିସି ବିଶ୍ବକପ୍ ୨୦୨୩ରେ ନିଜର ଉଲ୍ଲେଖନୀୟ ପ୍ରଦର୍ଶନ ପ୍ରଦର୍ଶନ ଜାରି ରଖିବ ଏବଂ ଦେଶ ପାଇଁ ଗୌରବ ଆଣିବ। ଭବିଷ୍ୟତ ମ୍ୟାଚ୍ ପାଇଁ ଭାରତୀୟ ଦଳକୁ ଶୁଭେଚ୍ଛା।’’
Powered by Froala Editor
