ବର୍ଦ୍ଦି ପିନ୍ଧି ଦେଢ଼କୋଟି ଜିତିଲେ, ହେଲେ ଫସିଗଲେ ପୁଲିସ ବାବୁ
ମହାରାଷ୍ଟ୍ର ପୁଲିସ୍ କମିଶନ କାର୍ଯ୍ୟାଳୟରେ ନିୟୋଜିତ ସବ୍- ଇନ୍ସପେକ୍ଟର ସୋମନାଥ ଝଣ୍ଡେ ଡ୍ରିମ୍ ଇଲେଭନ(dream 11 ) ଆପ୍ରେ ଦେଢ କୋଟି ଟଙ୍କା ଜିତିଛନ୍ତି । ହେଲେ ଏହି ଜିତାପଟ ଏବେ ତାଙ୍କୁ ଅଡୁଆରେ ପକାଇଛି । କାରଣ ସେ ଡ୍ୟୁଟିରେ ଥାଇ ବର୍ଦ୍ଦି ପିନ୍ଧି ଅନଲାଇନ ଗେମ୍ରେ ମାତିଥିଲେ ।
ଏନେଇ ଭାଜପାର ସ୍ଥାନୀୟ ନେତା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାବିଶଙ୍କ ନିକଟରେ ଅଭିଯୋଗ କରିଛନ୍ତି। ସବ୍ ଇନ୍ସପେକ୍ଟର ଜଣକ ବର୍ଦ୍ଦିରେ ଥିବା ବେଳେ ଅନ୍ଲାଇନ୍ ଗେମିଂ ଖେଳିବା ସହ ଏଥିପ୍ରତି ଯୁବବର୍ଗଙ୍କୁ ଆକୃଷ୍ଟ କରିଛନ୍ତି। ସୋମନାଥ ଡ୍ରିମ୍ ଇଲେଭନ(dream 11 ) ଆପ୍ରେ ନିଜ ଟିମ୍ ତିଆରି କରିଥିଲେ। ଭାଗ୍ୟକୁ ତାଙ୍କ ଟିମ୍ ରାଙ୍କ୍-୧ରେ ରହିଯିବାରୁ ସେ ଦେଢ କୋଟି ଟଙ୍କା ଜିତିଛନ୍ତି ।
ଏନେଇ ସୋମନାଥ ଗଣମାଧ୍ୟମରେ କହିବାରୁ କଥା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାବିଶଙ୍କ ନିକଟରେ ପହଞ୍ଚିଛି। ଏହାର ବିଭାଗୀୟ ଯାଞ୍ଚ ପାଇଁ ନିର୍ଦ୍ଦେଶ ଦିଆଯାଇଛି।
Powered by Froala Editor
