ସେୟାର ମାର୍କେଟ ଖସିଲା, ନିବେଶକ ହରାଇଲେ ୩ ଲକ୍ଷ କୋଟିରୁ ଅଧିକ
ବୁଧବାର ବମ୍ବେ ଷ୍ଟକ ଏକ୍ସଚେଞ୍ଜ ସେନସେକ୍ସ ପ୍ରାୟ ୮୦୦ ପଏଣ୍ଟ ହ୍ରାସ ପାଇ ୬୭,୦୦୦ ସ୍ତର ତଳକୁ ଆସିଥିଲା। ବାଣିଜ୍ୟ ସମୟରେ ଏହା ୬୬,୭୨୮ ପଏଣ୍ଟକୁ ଛୁଇଁଥିଲା। ଏଥି ସହିତ, ନିଫ୍ଟି ନ୍ୟାଶନାଲ ଷ୍ଟକ ଏକ୍ସଚେଞ୍ଜ ୧,୧୮ ପ୍ରତିଶତ ବା ୨୩୮ ପଏଣ୍ଟ ହ୍ରାସ ପାଇ ୧୯,୮୯୫ ପଏଣ୍ଟରେ ପହଞ୍ଚିଥିଲା । ଯାହା ଦ୍ୱାରା ଏଚଡିଏଫସି ବ୍ୟାଙ୍କ, ରିଲାଏନ୍ସ ଇଣ୍ଡଷ୍ଟ୍ରିଜ ଏବଂ ଇନଫୋସିସ ଭଳି ପ୍ରମୁଖ ଷ୍ଟକରେ କ୍ଷତି ଘଟିଥିଲା । ଏଫଏମସିଜି, ଆଇଟି, ଫାର୍ମା, ରିଅଲିଟି ଏବଂ ସ୍ବାସ୍ଥ୍ୟସେବା କ୍ଷେତ୍ର ମଧ୍ୟ ହ୍ରାସ ସହିତ ଖୋଲିଥିଲା।
ଏହି ଅବଧି ମଧ୍ୟରେ, ସେନସେକ୍ସ ୭୯୬.୦୦(୧.୧୭%) ପଏଣ୍ଟ ହ୍ରାସ ପାଇ ୬୬,୮୦୦.୮୪ ସ୍ତରରେ ବନ୍ଦ ହୋଇଥିବାବେଳେ ନିଫ୍ଟି ୨୩୧.୯୦(୧.୧୫) ପଏଣ୍ଟ ହ୍ରାସ ପାଇ ୧୯,୯୦୧.୪୦ ସ୍ତରରେ ବନ୍ଦ ହୋଇଯାଇଥିଲା। ସମସ୍ତ ବିଏସଇ ତାଲିକାଭୁକ୍ତ କମ୍ପାନୀଗୁଡିକର ବଜାର ପୁଞ୍ଜିକରଣ ୨.୯୫ ଲକ୍ଷ କୋଟି ଟଙ୍କା ହ୍ରାସ ପାଇ ୩୨୦.୦୪ ଲକ୍ଷ କୋଟିରେ ପହଞ୍ଚିଥିଲା। ଫଳରେ ନିବେଶକମାନେ ୩ ଲକ୍ଷ କୋଟିରୁ ଅଧିକ କ୍ଷତି ସହିଥିବା ସୂଚନା ରହିଛି ।
Powered by Froala Editor
