ପୂର୍ବରୁ ଶତୃତା ଥିଲା । ହେଲେ ମାଛଧରାବେଳେ ଶତୃତା ଭୟାନକ ରୂପ ନେଲା । ଯାହାର ପରିଣାମ ଥିଲା ଅତି ଜଘନ୍ୟ । ହତ୍ୟାକାଣ୍ଡର ଶିକାର ହେଲେ ଯୁବକ । ଏଭଳି ଘଟଣା ଘଟିିଛି ବଲାଙ୍ଗୀର ଜିଲ୍ଲା ପାଟଣାଗଡ ସହର ଟିକପାଲିରେ ।

ସୂଚନା ଅନୁସାରେ, ଜିତେନ ଧୁବଲ (୧୯) ଓ ଉଆଁଷୁ ପୋଢ ମଧ୍ୟରେ ପୂର୍ବ ଶତୃତା ରହିଥିଲା। ଗୁରୁବାର ସକାଳୁ ଟିକପାଲି ଠାରେ ଥିବା ହୀରାସାଗର ପୋଖରୀରେ ଜିତେନ ମାଛ ଧରୁଥିଲା। ଏହି ସମୟରେ ଉଆଁଷୁ ମଧ୍ୟ ସେଠାକୁ ଆସି ମାଛ ଧରିବାକୁ ଆସିଥିଲା। ସେଠାରେ ଉଭୟଙ୍କ ମଧ୍ୟରେ ମାଛଧରାକୁ ନେଇ ବଚସା ହୋଇଥିଲା। କ୍ରମେ ବିବାଦ ବଢିବାରୁ ଉଭୟଙ୍କ ପରିବାର ଲୋକଙ୍କ ମଧ୍ୟରେ ମଧ୍ୟ ଝଗଡା ହୋଇଥିଲା। ପରେ ସନ୍ଧ୍ୟାରେ ଜିତେନ ଟିକପାଲି ରାସ୍ତାରେ ଏକା ଯାଉଥିବା ସମୟରେ ଉଆଁଷୁ ଅତର୍କିତ ଭାବେ ଜିତେନର ଗଳାକୁ ଟାଙ୍ଗିଆ ସାହାଯ୍ୟରେ ହାଣି ଫେରାର୍ ହୋଇଥିଲା। ଘଟଣା ସ୍ଥଳରେ ହିଁ ଜିତେନର ମୃତ୍ୟୁ ଘଟିଥିବା ଜଣାପଡିଛି। 

ହତ୍ୟା ହୋଇଥିବା ସୂଚନା ପାଇ ଘଟଣା ସ୍ଥଳରେ ପୁଲିସ ପହଞ୍ଚିଥିଲା। ଘଟଣାସ୍ଥଳରୁ ଜିତେନର ମୃତଦେହ ଉଦ୍ଧାର କରି ଉପଖଣ୍ଡ ଡାକ୍ତରଖାନାର ଶବ ଗୃହକୁ ପଠାଇବା ସହ ହତ୍ୟାର କାରଣକୁ ନେଇ ତଦନ୍ତ କରୁଥିବା ଜଣାପଡିଛି। ତେବେ ହତ୍ୟାର କାରଣ ପୂର୍ବ ଶତ୍ରୁତାରୁ ହୋଇ ଥାଇ ପାରେ ବୋଲି ଅନୁମାନ କରାଯାଉଛି। 

Powered by Froala Editor