ଦୀର୍ଘ ବର୍ଷ ପରେ ଏକାଠି ହେବେ ଅକ୍ଷୟ-ରବୀନା
![ଦୀର୍ଘ ବର୍ଷ ପରେ ଏକାଠି ହେବେ ଅକ୍ଷୟ-ରବୀନା](https://odishanewslens.com/news_gallery/23808_1692820729.jpg)
ବଲିଉଡର ବହୁତ ପୁରୁଣା ରୋମାଣ୍ଟିକ ଯୋଡି ହେଉଛନ୍ତି ଅକ୍ଷୟ ଓ ରବୀନା । ହେଲେ ଏମାନଙ୍କ ରିଅଲ ଲାଇଫରେ କିଛି କେମେଷ୍ଟ୍ରି ଥିଲା ବୋଲି କୁହାଯାଉଥିଲା । ତେବେ ସେ କଥାକୁ ବହୁତ ଦିନ ବିତିଗଲାଣି । ଏବେ ପୁଣି ଏହି ଯୋଡି ପରଦାକୁ ଆସିବେ ବୋଲି ଚର୍ଚ୍ଚା ହେଉଛି ।
ଦୀର୍ଘ ୧୯ ବର୍ଷ ପରେ ଅକ୍ଷୟ କୁମାର ରବୀନା ଟଣ୍ଡନଙ୍କ ସହ କାମ କରିବାକୁ ପ୍ରସ୍ତୁତ ହେଉଛନ୍ତି। ଖୁବ୍ ଶୀଘ୍ର ସେମାନଙ୍କ ଯୋଡି 'ୱେଲ୍କମ୍ ୩' ରେ ଦେଖିବାକୁ ମିଳିବ। ରିପୋର୍ଟ ଅନୁଯାୟୀ, ରବୀନା ଖୁବ୍ ଶୀଘ୍ର ଅକ୍ଷୟ କୁମାରଙ୍କ ଫିଲ୍ମ 'ୱେଲ୍କମ ୩' ରେ ମୁଖ୍ୟ ଅଭିନେତ୍ରୀ ଭାବରେ ଯୋଗଦେବେ। ତେବେ ଏପର୍ଯ୍ୟନ୍ତ ଏ ସଂପର୍କରେ କୌଣସି ସ୍ପଷ୍ଟ ସୂଚନା ଆସିନାହିଁ। କିନ୍ତୁ ଯଦି ଏହି ରିପୋର୍ଟ ସତ ହୋଇଯାଏ ଏବଂ ରବୀନା ଓ ଅକ୍ଷୟ 'ୱେଲ୍କମ ୩' ପାଇଁ ଏକାଠି ହୁଅନ୍ତି, ତେବେ ଏହା ଦୀର୍ଘ ୧୯ ବର୍ଷ ପରେ ସେମାନଙ୍କର ଅନ-ସ୍କ୍ରିନ୍ ରୋମାନ୍ସ ହେବ।
୨୦୦୪ର ଫିଲ୍ମ 'ଆନ୍: ମେନ୍ ଆଟ୍ ୱାର୍କ'ରେ ଉଭୟଙ୍କୁ ଦେଖିବାକୁ ମିଳିଥିଲା। ଏହାପରେ ଦୁହେଁ ପରସ୍ପର ଠାରୁ ଅଲଗା ହୋଇଯାଇଥିଲେ । ସେବେଠାରୁ କୌଣସି ଇଭେଣ୍ଟରେ ମଧ୍ୟ ଉଭୟ ସେତେଟା କଥା ହୁଅନ୍ତିନି । ତେବେ ଏତେ ବର୍ଷ ପରେ ବୋଧହୁଏ ରାଗରୁଷା ଭୁଲି ଉଭୟ ଏକାଠି ହେବେ ବୋଲି ଚର୍ଚ୍ଚା ହେଉଛି ।
Powered by Froala Editor