୨୩ ଲକ୍ଷ ଆକାଉଣ୍ଟ୍ ନିଷିଦ୍ଧ କଲା ଏକ୍ସ
ନୂଆଦିଲ୍ଲୀ: ବିଶ୍ବର ଏକ ନମ୍ବର ଧନୀ ଏଲନ୍ ମସ୍କଙ୍କ ସୋସିଆଲ ମିଡିଆ ସଂସ୍ଥା ‘ଏକ୍ସ’ (ପୂର୍ବ ନାମ ଟ୍ବିଟର) ଜୁଲାଇରେ ୨୩ ଲକ୍ଷ ଆକାଉଣ୍ଟ୍ ନିଷିଦ୍ଧ କରିଛି। ନଗ୍ନତା ଓ ଶିଶୁ ସମ୍ପର୍କିତ ଯୌନ ବିଷୟବସ୍ତୁ ପୋଷ୍ଟ୍ କରିଥିବା ଆକାଉଣ୍ଟ୍ଗୁଡ଼ିକୁ ବନ୍ଦ କରାଯାଇଛି। ଦେଶରେ ଆତଙ୍କବାଦର ପ୍ରସାର କରୁଥିବା ଅଭିଯୋଗରେ ୧୭୭୨ ଆକାଉଣ୍ଟ୍କୁ ଏକ୍ସରୁ ହଟାଇ ଦିଆଯାଇଛି। ଆଇଟି ନିୟମ ୨୦୨୧କୁ ପାଳନ କରି କଂପାନି ପ୍ରତି ମାସରେ ଆକାଉଣ୍ଟ୍ ବିରୋଧରେ ଗ୍ରହଣ କରାଯାଇଥିବା କାର୍ଯ୍ୟାନୁଷ୍ଠାନ ରିପୋର୍ଟ ଜାରି କରୁଛି।
ଜୁଲାଇରେ କଂପାନି ବ୍ୟବହାରକାରୀଙ୍କଠାରୁ ୩୩୪୦ ଅଭିଯୋଗ ହାସଲ କରିଥିଲା। କଂପାନି ପକ୍ଷରୁ ୪୯ ଅଭିଯୋଗର ସମୀକ୍ଷା କରାଯାଇଥିଲା। ସେଥିରୁ ଗୋଟିଏ ଆକାଉଣ୍ଟ୍ ଉପରୁ ନିଷେଧାଦେଶ ପ୍ରତ୍ୟାହାର କରାଯାଇଥିଲା। କଂପାନି ପାଖରେ ବ୍ୟବହାରକାରୀମାନଙ୍କ ଯେଉଁ ଅଭିଯୋଗ ପହଞ୍ଚିଥିଲା ସେଥିରୁ ୧୭୮୩ଟି ନିର୍ଯ୍ୟାତନା ସମ୍ପର୍କିତ ହୋଇଥିବା ବେଳେ ୫୪ଟି ଘୃଣା, ୪୮ଟି ବ୍ୟକ୍ତିଗତ ଗୋପନୀୟତା ଉଲ୍ଲଂଘନ ଏବଂ ୪୬ ଶିଶୁ ଯୌନ ଉତ୍ପୀଡ଼ନ ସମ୍ପର୍କିତ ଥିଲା।
Powered by Froala Editor
