କୃମି ଔଷଧ ଖାଇ ବାନ୍ତି କଲେ ଛାତ୍ରଛାତ୍ରୀ
ବାଲେଶ୍ବର ଜିଲ୍ଲା ବସ୍ତା ଥାନା ଗୁଡ଼ିଖାଳ ବନବିହାରୀ ଲାଲ ବିଦ୍ୟାଳୟରେ ଅଭାବନୀୟ ଘଟଣା ଘଟିଛି । କୃମି ଔଷଧ ଖାଇବା ପରେ ୬ ଜଣ ଛାତ୍ରୀ ଓ ୨ ଜଣ ଛାତ୍ର ଗୁରୁତର ହୋଇଛନ୍ତି। ସମସ୍ତ ଗୁରୁତରଙ୍କୁ ଉଦ୍ଧାର କରି ବସ୍ତା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଅନ୍ୟ ଜଣେ ଛାତ୍ରକୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ପଠାଯାଇଥିବା ଜଣାଯାଇଛି।
ସୂଚନାରୁ ପ୍ରକାଶ ବିଦ୍ୟାଳୟରେ ୩୬୦ ଜଣ ଛାତ୍ରଛାତ୍ରୀଙ୍କୁ କୃମି ବଟିକା ଖାଇବାକୁ ଦିଆଯାଇଥିଲା। ବଟିକା ଖାଇବା ପରେ ବିଦ୍ୟାଳୟର ଛାତ୍ରଛାତ୍ରୀଙ୍କ ମୁଣ୍ଡ ବୁଲାଇବା ସହିତ ବାନ୍ତି ହୋଇଥିଲା। ଆଉ କିଛି ଛାତ୍ରୀଙ୍କ ପେଟ ଯନ୍ତ୍ରଣା ସହିତ ବାନ୍ତି ହେବାରୁ ତାଙ୍କୁ ବସ୍ତାସ୍ଥିତ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଯାଇଥିଲା। ପ୍ରଥମେ ଗୁଡିଖାଳ ଅଞ୍ଚଳର ନିତ୍ୟାନନ୍ଦ ସାହୁଙ୍କ ଝିଅ ସୁଦିପ୍ତା, ଅରୁଣ ବେଚଙ୍କ ଝିଅ ପ୍ରତିମା, କେଶବ ବେହେରାଙ୍କ ଝିଅ ସୁମିତ୍ରା, ଉମେଶ ମହାନ୍ତିଙ୍କ ଝିଅ ଦିବ୍ୟାଭରତୀ, ଦିଲ୍ଲୀପ ବେହେରାଙ୍କ ଝିଅ ଜ୍ୟୋତ୍ସା ଓ ମଧୁସୂଦନ ସେଠୀଙ୍କ ପୁଅ ଶୁଭ୍ରାଂଶୁଙ୍କୁ ଡାକ୍ତରଖାନାକୁ ପଠାଯାଇଥିଲା। ପରେ ପୁଣି ଦୁଇଜଣଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ହୋଇଥିଲା। ତେବେ ଏହି ଘଟଣା ପରେ ପ୍ରଶାସନ ପକ୍ଷରୁ ଯାଞ୍ଚ ନିର୍ଦ୍ଦେଶ ଦିଆଯାଇଛି ।
Powered by Froala Editor
