ଇଏମଆଇ ଏବଂ ଋଣ ହାର ଅପରିବର୍ତ୍ତିତ
![ଇଏମଆଇ ଏବଂ ଋଣ ହାର ଅପରିବର୍ତ୍ତିତ](https://odishanewslens.com/news_gallery/23480_1691663659.jpg)
ନୂଆଦିଲ୍ଲୀ: ବଢିବ ମୁଦ୍ରାସ୍ଫୀତି । ଚଳିତ ଆର୍ଥିକ ବର୍ଷରେ ଦରଦାମ ୫ ଦଶମିକ ୧ ପ୍ରତିଶତରୁ ୫ ଦଶମିକ ୪ ପ୍ରତିଶତ ବଢିବ ବୋଲି ଆକଳନ କରିଛି ଆରବିଆଇ । କିନ୍ତୁ ରେପୋ ରେଟ ତଥା ସୁଧ ହାର ଅପରିବର୍ତ୍ତିତ ରଖାଯାଇଛି । ଏବେ ୬ ଦଶମିକ ୫ ପ୍ରତିଶତରେ ସ୍ଥିର ରହିଛି ରେପୋ ରେଟ୍ । ଲଗାତାର ତୃତୀୟ ଥର ରେପୋ ରେଟରେ ପରିବର୍ତ୍ତନ କରାଯାଇନାହିଁ ।
ଏ ନେଇ ଆଇବିଆଇ ଗଭର୍ନର ଶକ୍ତିକାନ୍ତ ଦାସ ସୂଚନା ଦେଇଛନ୍ତି । ରେପୋ ରେଟ ଅପରିବର୍ତ୍ତିତ ରଖାଯାଇଥିବାରୁ ଇଏମଆଇ ଏବଂ ଋଣ ହାର ମଧ୍ୟ ଅପରିବର୍ତ୍ତିତ ରହିବ । ତେବେ ମୁଦ୍ରସ୍ଫିତି ଗତ ମେ ମାସରେ ୪ ଦଶମିକ ୩ ପ୍ରତିଶତ ଥିବା ବେଳେ ଜୁନରେ ୪ ଦଶମିକ ୮ ପ୍ରତିଶତ ବୃଦ୍ଧି ପାଇଛି । ଅଗଷ୍ଟ ମାସରେ ଆହୁରୀ ଦରଦାମ ବଢିବା ନେଇ ଆକଳନ କରାଯାଇଛି । ଟମାଟୋ ଦର ବଢିବା ନେଇ ଆଇବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି, ଏହା ସ୍ୱଳ୍ପ ଅବଧି ବଢିଛି । ଆଗାମୀ ମାସରେ ଦର କମିବ ବୋଲି ସେ କହିଛନ୍ତି ।
Powered by Froala Editor