ଇନଷ୍ଟା ବାୟୋରୁ ସାନିଆଙ୍କ ନାଁ ହଟାଇଲେ ସୋଏବ
ଭାରତୀୟ ଟେନିସ୍ ଖେଳାଳି ସାନିଆ ମିର୍ଜା ଏବଂ ପାକିସ୍ତାନ କ୍ରିକେଟ୍ ଦଳର ପୂର୍ବତନ ଅଧିନାୟକ ସୋଏବ ମଲିକ ଛାଡପତ୍ର ନେବେ ବୋଲି କିଛି ଦିନ ତଳେ ଚର୍ଚ୍ଚା ହେଉଥିଲା । ପରବର୍ତ୍ତୀ ସମୟରେ ଉଭୟ ପତି-ପତ୍ନୀ ସେମାନଙ୍କ ମଧ୍ୟରେ ସବୁ ଠିକ୍ ଅଛି ବୋଲି କହିଥିଲେ। ହେଲେ ପୁଣି ଥରେ ଷ୍ଟାର୍ ଦମ୍ପତିଙ୍କ ମଧ୍ୟରେ ଫାଟ ସୃଷ୍ଟି ହେଲାଣି।
ବର୍ତ୍ତମାନ ଘଟିଥିବା ଆଉ ଏକ ଘଟଣା ସେମାନଙ୍କ ଛାଡପତ୍ରକୁ ନେଇ ପୁଣି ଚର୍ଚ୍ଚାର ବିଷୟ ପାଲଟିଛି। ସାନିଆ ମିର୍ଜାଙ୍କ ନାମ ସୋଏବ ମଲିକଙ୍କ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କ ପତ୍ନୀ ଭାବରେ ଆଉ ଦେଖିବାକୁ ମିଳୁନାହିଁ।
ଏହାପୂର୍ବରୁ କ୍ରିକେଟରଙ୍କ ଇନ୍ଷ୍ଟା ବାୟୋରେ ସୁପର୍ୱମ୍ୟାନ୍ ସାନିଆ ମିର୍ଜାଙ୍କ ସ୍ବାମୀ ବୋଲି ଉଲ୍ଲେଖ ଥିଲା। ଯାହାକୁ ଏବେ ହଟାଇ ଦେଇଛନ୍ତି ସୋଏବ। କେବଳ ‘ଏକ ବାସ୍ତବ ଆଶୀର୍ବାଦର ବାପା’ ବୋଲି ଉଲ୍ଲେଖ ଅଛି।
୨୦୧୦ ମସିହାରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ। ଷ୍ଟାର ଦମ୍ପତିଙ୍କର ଏକ ସନ୍ତାନ ରହିଛି, ଯାହାଙ୍କ ନାମ ଇଜହାନ ମିର୍ଜା ମଲିକ।
Powered by Froala Editor
