ଭୋକରେ ପଡି ପଡି ଚାଲିଗଲେ ହାସ୍ୟ ଅଭିନେତା
![ଭୋକରେ ପଡି ପଡି ଚାଲିଗଲେ ହାସ୍ୟ ଅଭିନେତା](https://odishanewslens.com/news_gallery/23334_1691177434.jpg)
ଅତି ଦୁଃଖଦ ଘଟଣା । ଯିଏ ଦିନେ ଲୋକଙ୍କୁ ହସାଉଥିଲା ତାଙ୍କର ମୃତଦେହ ରାସ୍ତା କଡରୁ ଉଦ୍ଧାର ହୋଇଛି । ହଁ ଆମେ ତାମିଲ ହାସ୍ୟ ଅଭିନେତା ମୋହନଙ୍କ କଥା କହୁଛୁ । ମୋହନ ସିନେମାରେ କମେଡି ରୋଲ କରି ଲୋକଙ୍କୁ ଖବୁ ହସାଇ ଥାଆନ୍ତି।
ମୋହନ ୧୯୮୯ ମସିହାରେ ରିଲିଜ ହୋଇଥିବା ସିନେମା 'ଅପୂର୍ବ ସଗୋଧରାର୍ଗଳ'ରେ ଅଭିନେତା କମଲ ହାସନଙ୍କ ଭଲବନ୍ଧୁ ଭୂମିକାରେ ନଜର ଆସିଥିଲେ। ଏଥିସହିତ ଅନେକ ଲୋକପ୍ରିୟ ଚଳଚ୍ଚିତ୍ରରେ କମେଡି ରୋଲ କରି ଦର୍ଶକଙ୍କ ବେଶ ମନୋରଞ୍ଜନ ବି କରିଛନ୍ତି ମୋହନ। କିନ୍ତୁ ୬୦ ବର୍ଷରେ ତାଙ୍କୁ ଘୋର ଅଭାବ ଦେଇ ଗତି କରିବାକୁ ପଡିଲା । ସିନେମା ଦୁନିଆରେ କାମ ପାଇଁ ସଂଘର୍ଷ କରୁଥିଲେ। ୧୦ବର୍ଷ ପୂର୍ବେ ମୋହନଙ୍କ ସ୍ତ୍ରୀଙ୍କ ମୃତ୍ୟୁ ହୋଇଯାଇଥିଲା। ସେବେଠାରୁ ସେ ଭିକ ମାଗି ଚଳି ଆସୁଥିଲେ।
ରିପୋର୍ଟ ମୁତାବକ, ମୋହନଙ୍କ ମୃତଦେହକୁ ତାମିଲନାଡୁର ମଦୁରେର ତିରୁପରଂଗୁଂନ୍ଦ୍ରମ ଅଞ୍ଚଳରୁ ଉଦ୍ଧାର କରାଯାଇଥିଲା। ସ୍ଥାନୀୟ ଲୋକେ ଜୁଲାଇ ୩୧ ତାରିଖରେ ମୋହନଙ୍କୁ ରାସ୍ତାରେ ପଡ଼ିଥିବା ଦେଖିବାକୁ ପାଇଥିଲେ। ଏହାପରେ ସେମାନେ ପୁଲିସରେ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ମୋହନଙ୍କୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲା। କିନ୍ତୁ ଡାକ୍ତର ସେଠାରେ ମୋହନଙ୍କୁ ମୃତ ଘୋଷଣା କରିଥିଲେ। ଅନେକଦିନ ହେବ ଭୋକରେ ରହିବା ହେତୁ ମୋହନଙ୍କ ମୃତ୍ୟୁ ହୋଇଥିବା ଜଣାପଡ଼ିଥିଲା।
Powered by Froala Editor