ରିଲାଏନ୍ସ ଲଞ୍ଚ କଲା ଆଡଭାନ୍ସ ‘ଜିଓବୁକ୍’
ରିଲାଏନ୍ସ ଲଞ୍ଚ କରିଛି ନୂଆ ‘ଜିଓବୁକ୍’ । ସମସ୍ତ ବୟସ ବର୍ଗର ଆବଶ୍ୟକତା ପୂରଣ କରିବା ଲାଗି ଏହି ଲର୍ଣ୍ଣିଂ ବୁକ୍ ନୂଆ ଅନୁଭୂତି ଦେବ । ବ୍ୟବହାରକାରୀମାନଙ୍କ ସୁବିଧାକୁ ଦୃଷ୍ଟିରେ ରଖି ଜିଓ ଓଏସ୍କୁ ପ୍ରସ୍ତୁତ କରାଯାଇଛି । ୨୦୨୩ ଅଗଷ୍ଟ ୫ରୁ ୧୬,୪୯୯ ଟଙ୍କାରେ ଜିଓ ବୁକ୍ ବଜାରରେ ଉପଲବ୍ଧ ହେବ। ଗ୍ରାହକମାନେ ରିଲାଏନ୍ସ ଡିଜିଟାଲ୍ର ଅନଲାଇନ୍ ଓ ଅଫ୍ଲାଇନ୍ ଷ୍ଟୋର୍ କିମ୍ବା ଆମାଜନ୍ ଡଟ୍ ଇନ୍ରୁ ଜିଓବୁକ୍କୁ କିଣିପାରିବେ।
ଏଥିରେ ୪ଜି-ଏଲ୍ଟିଇ ଓ ଡୁଆଲ୍ ବ୍ୟାଣ୍ଡ୍ ୱାଇ-ଫାଇ ସୁବିଧା ରହିଛି ଯାହା ଜିଓବୁକ୍କୁ ସର୍ବଦା ସଂଯୋଗରେ ରଖିବ । ଏହା ବ୍ୟତୀତ ଇଣ୍ଟରଫେସ୍, ୭୫ରୁ ଅଧିକ କି’ବୋର୍ଡ ସର୍ଟକର୍ଟ, ଟ୍ରାକ୍ପ୍ୟାଡ୍ ଜେଶ୍ଚର, ସ୍କ୍ରିନ୍ ଏକ୍ସଟେନ୍ସନ୍, ଓୟାରଲେସ୍ ପ୍ରିଣ୍ଟିଂ, ଏକାଧିକ କାର୍ଯ୍ୟ ସମ୍ପାଦନ କରାଯାଇପାରୁଥିବା ସ୍କ୍ରିନ୍, ସମନ୍ୱିତ ଚାଟ୍ବଟ୍, ଜିଓ ଟିଭି ଆପ୍ ଜରିଆରେ ଶିକ୍ଷଣୀୟ ବିଷୟବସ୍ତୁ ହାସଲ ସୁବିଧା, ଜିଓ କ୍ଲାଉଡ୍ ଗେମ୍ସ ଜରିଆରେ ପ୍ରମୁଖ ଗେମିଙ୍ଗ ଟାଇଟଲ ହାସଲ ସୁଯୋଗ ଏବଂ ଜିଓବିୟାନ୍ କୋଡିଂ ପରି ବ୍ୟବସ୍ଥା ରହିଛି ଯାହା ଜରିଆରେ ଛାତ୍ରଛାତ୍ରୀମାନେ ସି / ସି++, ଜାଭା, ପାଇଥନ୍ ଓ ପର୍ଲ ଆଦି ବିଭିନ୍ନ ଭାଷାର କୋଡ୍ ଶିଖିପାରିବେ।
Powered by Froala Editor
