ଅଟୋରେ ରାତିସାରା ବୁଲିଲେ, ଟଙ୍କା ମାଗିବାରୁ ଚିଡ଼ି ଗଲେ ମହିଳା
ଦିଲ୍ଲୀରେ ଜଣେ ମହିଳାଙ୍କ ଅଭଦ୍ରାମୀ ସୀମା ପାର କରିଛି । ମହିଳା ଜଣକ ମିଛ କହି ଜଣେ ଅଟୋ ଡ୍ରାଇଭରଙ୍କୁ ଫସାଇବାର ଧମକ ବି ଦେଇଛନ୍ତି । ଯାହାର ଭିଡିଓ ଏବେ ଭାଇରାଲ ହେଉଛି । ଦିଲ୍ଲୀର ଗତ ରବିବାର ରାତି ପ୍ରାୟ ୧୦ଟା ବେଳେ ମେଦାନ୍ତ ହସ୍ପିଟାଲ ନିକଟରୁ ମହିଳା ଜଣକ ଏକ ଅଟୋ ବୁକ୍ କଲେ। ଅଟୋରେ ସେ ସୋମବାର ପୂର୍ବାହ୍ନ ୧୧ଟା ଯାଏ ବୁଲିଲେ। ବିଲ୍ ୨ ହଜାର ହୋଇଯିବାରୁ ଅଟୋ ଚାଳକ ଦୀପକ ଟଙ୍କା ପେମେଣ୍ଟ କରି ତାଙ୍କୁ ଛାଡ଼ିବାକୁ କହିବାରୁ ମହିଳା ଜଣକ ମିଥ୍ୟା ଆରୋପ ଲଗାଇବାର ଧମକ ଦେଲେ। ଏନେଇ ଦୀପକ ପୁଲିସ୍କୁ ସୂଚନା ଦେଲେ। ପୁଲିସ୍ ପହଞ୍ଚିବାରୁ ମହିଳା ପୁଲିସ୍ ସହ ମଧ୍ୟ ଯୁକ୍ତିତର୍କ ଆରମ୍ଭ କରିଦେଲେ। ଏହାପରେ ପୁଲିସ୍ ତାଙ୍କୁ ଥାନାକୁ ନେଇ ଯାଇ ପଚରାଉଚରା କରୁଥିବା ଜଣାଯାଇଛି।
Powered by Froala Editor
