ଶାହୀନଙ୍କ ଶାହି ଅନ୍ଦାଜରେ ଫସିଲେ, ଲୁଟ୍ର ଶିକାର ହେଲେ
![ଶାହୀନଙ୍କ ଶାହି ଅନ୍ଦାଜରେ ଫସିଲେ, ଲୁଟ୍ର ଶିକାର ହେଲେ](https://odishanewslens.com/news_gallery/22938_1689622260.jpeg)
ରୂପ କୀ ରାନୀ...ଚୋରୋଁ କା ରାଜା... । ନା ନା ଏଠି ରାଜା କେହି ନାହାନ୍ତି । ରୂପ କୀ ରାନୀ ହିଁ ସବୁ ଚୋରି କହିଛନ୍ତି । ନିଜ ରୂପ ଲାବଣ୍ୟରେ ଗୋଟିଏ କି ଦି ଟା ନୁହେଁ ପୂରା ୧୨ ଜଣଙ୍କୁ ଫସାଇ ଲୁଟିଛନ୍ତି । ଏହି ୩୦ ବର୍ଷୀୟ ମହିଳା ହେଉଛନ୍ତି ଶାହୀନ ଅଖତର ।
ଜମ୍ମୁ-କଶ୍ମୀରରୁ ଏପରି ଏକ ଘଟଣା ସାମ୍ନାକୁ ଆସିଛି। ତାଙ୍କ ନାଁରେ ବଡଗାମର ମହମ୍ମଦ ଅଲତାଫ ମୀର ଅଭିଯୋଗ ଆଣିଥିଲେ । ଶାହୀନ ତାଙ୍କୁ ବିବାହ କରିବା ପରେ ସବୁ କିଛି ଲୁଟ କରି ନେଇଥିବା ପୁଲିସ୍କୁ ଲିଖିତ ଭାବେ ଜଣାଇଥିଲେ।
ମୀରଙ୍କ ଅଭିଯୋଗ ଯେ, ଜଣେ ମଧ୍ୟସ୍ଥିଙ୍କ ଦ୍ୱାରା ମହମ୍ମଦ ଅଲତାଫଙ୍କ ଶାହୀନ ସହ ପରିଚୟ ହୋଇଥିଲା। ଏହାପରେ ଉଭୟ ବାହା ହୋଇଥିଲେ। ବାହାଘର ପରେ ମୀର ଓ ଶାହୀନ ୪ ମାସ ଯାଏ ଏକାଠି ରହିଥିଲେ। କିନ୍ତୁ ହଠାତ୍ ଗୋଟିଏ ଦିନ ଶାହୀନ ଘରେ ଥିବା ସମସ୍ତ ପ୍ରକାରର ଟଙ୍କା ଓ ସୁନା ଧରି ଚମ୍ପଟ ମାରିଥିଲେ।
ବଡଗାମ ପୁଲିସ୍ ଶାହୀନଙ୍କ ନାଁରେ ୪୨୦ ଓ ୧୨୦ ବି ଦଫାରେ ମାମଲା କରିଥିଲା। ତାଙ୍କୁ ଜୁଲାଇ ୧୪ରେ ଶାହୀନ ଅଖତରଙ୍କୁ ରଜୌରୀର ନୌଶେରା ସହରରୁ ଗିରଫ କରିଥିଲା। ସେହିଦିନ ସେ ଅନ୍ତରୀଣ ଜାମିନ ପାଇଁ ଆବେଦନ କରୁଥିବା ଖବର ମିଳିବା ପରେ ବଡଗାମ କୋର୍ଟ କମ୍ପ୍ଲେକ୍ସ ବାହାରେ ୧୦ରୁ ୧୫ ଜଣ ଲୋକ ପହଞ୍ଚିଥିଲେ। ଶାହୀନ ଏମାନଙ୍କୁ ମଧ୍ୟ ବାହା ହୋଇଥିଲେ। ସୁଯୋଗ ଦେଖି ଟଙ୍କା ଓ ସୁନା ନେଇ ଚମ୍ପଟ ମାରିଥିଲେ ବୋଲି ସେମାନେ ଅଭିଯୋଗ କରିଛନ୍ତି।
Powered by Froala Editor