ନେହା-ରୋହନପ୍ରୀତଙ୍କ ମଧ୍ୟରେ ଫାଟ !
ନେହା କକ୍କର ଓ ସ୍ୱାମୀ ରୋହନପ୍ରୀତଙ୍କ ମଧ୍ୟରେ ମତାନ୍ତର ! ଏମିତି କଥା ଏବେ ସୋସିଆଲ ମିଡଆରେ ଘୂରି ବୁଲୁଛି । କୁହାଯାଉଛି ଯେ, ସେମାନେ କିଛି ଦିନ ହେଲା ଅଲଗା ରହୁଛନ୍ତି । ଏପରିକି ଉଭୟଙ୍କ ମଧ୍ୟରେ ଫାଟ ସୃଷ୍ଟି ହେଲାଣି । କାରଣ ଜୁନ ୬ରେ ଥିଲା ନେତାଙ୍କ ଜନ୍ମଦିନ । ଜନ୍ମଦିନରେ ନେହା ପରିବାର ଏବଂ ସାଙ୍ଗମାନଙ୍କ ପାଇଁ ଏକ ପାର୍ଟି ରଖିଥିଲେ, ଯେଉଁଥିରେ ସେ ବହୁତ ମଜା କରୁଥିବାର ଦେଖାଯାଇଥିଲା। ନେହା କକ୍କରଙ୍କ ଜନ୍ମଦିନ ପାର୍ଟିରେ କ୍ରିକେଟର ୟୁଜବେନ୍ଦ୍ର ଚହଲ ଏବଂ ତାଙ୍କ ପତ୍ନୀ ଧନଶ୍ରୀଙ୍କ ବ୍ୟତୀତ ତାଙ୍କ ପିତାମାତା, ଭାଇଭଉଣୀମାନେ ଯୋଗ ଦେଇଥିଲେ।
ଏହି ଖୁସିର ମାହୋଲରେ ପ୍ରଶଂସକମାନେ ରୋହନପ୍ରୀତଙ୍କ ଅନୁପସ୍ଥିତି ଅନୁଭବ କରିଥିଲେ। ସେ ନେହାଙ୍କୁ ତାଙ୍କ ଜନ୍ମଦିନରେ ଓ୍ବିଶ କରି ନ ଥିଲେ। ନେହା ବି ତାଙ୍କ ଜନ୍ମଦିନରେ ରୋହନପ୍ରୀତଙ୍କ ବିଷୟରେ କିଛି କହି ନ ଥିଲେ। ଏହା ପରେ ପ୍ରଶଂସକମାନେ ନେହା କକ୍କରଙ୍କ ପୋଷ୍ଟ ଉପରେ ମନ୍ତବ୍ୟ ଦେଇ ରୋହନପ୍ରୀତ କେଉଁଠାରେ ଅଛନ୍ତି ବୋଲି ପଚାରିଥିଲେ। ଏଥିସହିତ ସେମାନଙ୍କ ଅଲଗା ହେବାର ଖବର ମଧ୍ୟ ଶୁଣିବାକୁ ମିଳିଛି। ଏମିତି ଖବର ପ୍ରସାରିତ ହୋଇଥିଲେ ବି ନେହା କିମ୍ବା ତାଙ୍କ ରୋହନପ୍ରୀତ କୌଣସି ପ୍ରତିକ୍ରିୟା ଦେଇ ନାହାନ୍ତି।
Powered by Froala Editor
