ଆଦିପୁରୁଷ ଫିଲ୍ମର କଳାକାରଙ୍କ ଲୁକକୁ ନେଇ ବିବାଦ ହୋଇଥିବା ବେଳେ ଏବେ ନିର୍ଦ୍ଦେଶକ ଓମ୍ ରାଉତଙ୍କ ଏକ ଭିଡିଓକୁ ନେଇ ବିବାଦ ଆରମ୍ଭ ହୋଇଛି। ମନ୍ଦିରରେ ଅଭିନେତ୍ରୀଙ୍କ କ୍ରିତି ସାନୋନଙ୍କୁ ଚୁମ୍ବନ ଦେଇ ଓମ୍ ବିବାଦୀୟ ‌ହୋଇପଡ଼ିଛନ୍ତି। ତିରୁମାଳା ମନ୍ଦିର ପ୍ରାଙ୍ଗଣରେ ନିର୍ଦ୍ଦେଶକ ଓମ୍ ରାୱତ କ୍ରିତିଙ୍କୁ ଆଲିଙ୍ଗନ କରିଛନ୍ତି ଓ କିସ୍ କରିଛନ୍ତି । ତେବେ ମନ୍ଦିର ମଧ୍ୟରେ ଏପରି ଆକ୍ସ୍ସନକୁ ନେଇ ପ୍ରଶ୍ନ ଉଠିଛି ।

ଆନ୍ଧ୍ର ପ୍ରଦେଶର ବିଜେପି ରାଜ୍ୟ ସଚିବ ରମେଶ ନାଇଡୁ ଏହାର ନିନ୍ଦା କରିଛନ୍ତି । ସେ କହିଛନ୍ତି ମନ୍ଦିର ଭଳି ପବିତ୍ର ସ୍ଥାନରେ ଏପରି ଆଚରଣ କରିବା କେତେ ଶୋଭନୀୟ । ତିରୁମାଳାରେ ଭଗବାନ ଭେଙ୍କଟେଶ୍ୱର ସ୍ୱାମୀ ମନ୍ଦିର ସାମ୍ନାରେ କିସ୍ କରିବା ଓ ଆଲିଙ୍ଗନ କରିବା ନିହାତି ଅପମାନଜନକ । ଏହାକୁ କେବେ ବି ବରଦାସ୍ତ କରାଯିବ ନାହିଁ ।

ସୂଚନା ମୁତାବକ, ତିରୁପତିରେ ଆଦିପୁରୁଷର ରିଲିଜ୍ ପୂର୍ବ ଇଭେଣ୍ଟ ଅନୁଷ୍ଠିତ ହୋଇଥିଲା। ଇଭେଣ୍ଟ ପୂର୍ବରୁ ଫିଲ୍ମର ପୂରା ଟିମ୍ ତିରୁମାଲାସ୍ଥିତ ଭେଙ୍କେଟେଶ୍ବର ସ୍ବାମୀ ମନ୍ଦିର ପରିଦର୍ଶନ କରିଥିଲେ। ଏହି ସମୟରେ ମନ୍ଦିର ପରିସରରେ ଓମ୍ ରାଉତ୍ କ୍ରିତିଙ୍କ ଗାଲକୁ ଚୁମ୍ବନ ଦେଇ ତାଙ୍କୁ ଆଲିଙ୍ଗନ କରିଥିଲେ। ସେ ଏଭଳି କରୁଥିବାର ଭିଡିଓ ଭାଇରାଲ ହେବା ପରେଲେ‌ାକେ ଏହାକୁ ପସନ୍ଦ କରୁନଥିବା ଦେଖାଯାଇଛି। 

Powered by Froala Editor