ମେ ୨୮ରେ ଉଦଘାଟନ ହେବ ଭାରତର ନୂଆ ସଂସଦ ଭବନ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଧୁନିକ ଓ ଭବ୍ୟ ଶୈଳୀରେ ନିର୍ମାଣ ହୋଇଥିବା ସଂସଦର ନୂଆ ବିଲଡିଂକୁ ଉଦଘାଟନ କରିବେ। ଏହି ନୂତନ ସଂସଦ ଭବନରେ ସ୍ଥାପନ ହେବ ଭାରତର ରାଜଦଣ୍ଡ ସେଙ୍ଗୋଲ। 

ଏହି ରାଜଦଣ୍ଡକୁ ତାମିଲରେ ସେଂଗୋଲ କୁହାଯାଏ। ଭାରତୀୟ ଇତିହାସ ଏବଂ ଗଣତନ୍ତ୍ରରେ ଏହାର ମହତ୍ତ୍ୱ ରହିଛି। ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁ ‘ସେଙ୍ଗୋଲ’କୁ ବ୍ରିଟିଶମାନଙ୍କଠାରୁ ଶକ୍ତି ହସ୍ତାନ୍ତରର ପ୍ରତୀକ ଭାବରେ ଗ୍ରହଣ କରିଥିଲେ। କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା କହିଛନ୍ତି ଯେ ବ୍ରିଟିଶ ଶାସନରୁ ଭାରତକୁ ହସ୍ତାନ୍ତର କରାଯାଇଥିବା ଐତିହାସିକ ‘ସେଂଗୋଲ’ ନୂତନ ସଂସଦ ଗୃହରେ ସ୍ଥାପନ କରାଯିବ। ଯାହା ଏବେ ଆହ୍ଲାବାଦର ଏକ ସଂଗ୍ରହାଳୟରେ ଅଛି। 

ଇତିହାସ ପୃଷ୍ଠାକୁ ସ୍ମରଣୀୟ କରି ରଖିବା ପାଇଁ ସଂସଦର ନୂଆ ବିଲ୍‌ଡିଂରେ ରାଜଦଣ୍ଡକୁ ସ୍ଥାପିତ କରାଯିବ ବୋଲି ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ସୂଚନା ଦେଇଛନ୍ତି। ସେ କହିଛନ୍ତି, ସଂସଦର ନୂଆ ବିଲଡିଂ କାମରେ ନିୟୋଜିତ ହୋଇଥିବା ୬୦ ହଜାର ଶ୍ରମିକଙ୍କୁ ୨୮ ତାରିଖ ଉଦଘାଟନୀ ଉତ୍ସବରେ ପ୍ରଧାନମନ୍ତ୍ରୀ ସମ୍ମାନୀତ କରିବେ। ଏହି ଅବସରରେ ଐତିହାସିକ ମୁହୂର୍ତ୍ତଗୁଡ଼ିକୁ ପୁଣି ତାଜା କରାଯିବ। ଐତିହାସିକ ପ୍ରତୀକ ସେଙ୍ଗୋଲକୁ ସଂସଦର ନୂଆ ବିଲଡିଂରେ ସ୍ଥାପିତ କରାଯିବ।

Powered by Froala Editor