ୱାର୍-୨ ଫିଲ୍ମର ନିର୍ଦ୍ଦେଶନା ଦେବେ ଆୟାନ, ନେବେ ୩୨ କୋଟି!
କିଛି ଦିନ ହେଲା ସବା ଖାନଙ୍କ ସହ ବିବାହକୁ ନେଇ ଚର୍ଚ୍ଚାରେ ଅଛନ୍ତି ବଲିଉଡ ହ୍ୟାଣ୍ଡସମ ହ୍ରିତିକ ରୋଶନ । ଏନେଇ ସେ ମୁହଁ ନଖୋଲିଥିଲେ ବି ଉଭୟଙ୍କୁ ଏକାଠି ବିଭିନ୍ନ କାର୍ଯ୍ୟକ୍ରମରେ ଦେଖିବାକୁ ମିଳୁଛି । ତେବେ ହ୍ରିତିକ ଓ ତାଙ୍କ ଫିଲ୍ମ ୱାର୍-୨କୁ ନେଇ ବଡ ଖବର ସାମନାକୁ ଆସିଛି । ଏହି ଫିଲ୍ମର ନିର୍ଦ୍ଦେଶନା ଦେବାକୁ ଯାଉଛନ୍ତି ଆୟାନ ମୁଖାର୍ଜୀ । ପ୍ରଥମେ ଏହାକୁ ସିଦ୍ଧାର୍ଥ ଆନନ୍ଦ ନିର୍ଦ୍ଦେଶନା ଦେବେ ବୋଲି ଶୁଣିବାକୁ ମିଳୁଥିବାବେଳେ ଏବେ ଆୟାନଙ୍କ ନାଁ ଆସିଛି । ହେଲେ ନିର୍ଦ୍ଦେଶନା ପାଇଁ ସେ କୁଆଡେ ମୋଟା ଅର୍ଥ ଦାବି କରିଛନ୍ତି ।
ଚଳଚ୍ଚିତ୍ରର ନିର୍ଦ୍ଦେଶନା ପାଇଁ ଅୟାନ ୩୨ କୋଟି ଟଙ୍କା ପାଇବାକୁ ଯାଉଛନ୍ତି। ଏହି ରିପୋର୍ଟ ବାହାରକୁ ଆସିବା ପରେ ବି-ଟାଉନରେ ଅୟାନଙ୍କ ବିଷୟରେ ଅନେକ ଆଲୋଚନା ହେଉଛି। କିନ୍ତୁ ଏପର୍ଯ୍ୟନ୍ତ କୌଣସି ସରକାରୀ ସୂଚନା ପ୍ରକାଶ କରାଯାଇ ନାହିଁ।
ୱାର-୨ ପୂର୍ବରୁ ଅୟାନଙ୍କ ବ୍ରହ୍ମାସ୍ତ୍ରରେ ଆଲିଆ ଭଟ୍ଟ ଏବଂ ରଣବୀର କପୁର ମୁଖ୍ୟ ଭୂମିକାରେ ଦେଖିବାକୁ ମିଳିଥିଲେ। ଅୟାନ ମୁଖାର୍ଜୀ ଏପର୍ଯ୍ୟନ୍ତ କେବଳ କରଣ ଜୋହରଙ୍କ ଧର୍ମ ପ୍ରଡକ୍ସନ୍ ଫିଲ୍ମର ନିର୍ଦ୍ଦେଶନା ଦେଇଛନ୍ତି।
Powered by Froala Editor
