ନଦୀରୁ ଉଦ୍ଧାର ହେଲା ଯୁବକଙ୍କ ମୃତଦେହ
ସମ୍ବଲପୁର: ସମ୍ବଲପୁର ଚମ୍ପାଳୀ ନଦୀରୁ ଉଲଗ୍ନ ଅବସ୍ଥାରେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ଅଗ୍ନିଶମ ବାହିନୀ ପହଞ୍ଚି ଭାସୁଥିବା ଅବସ୍ଥାରେ ଉକ୍ତ ଯୁବକଙ୍କ ମୃତଦେହ ଉଦ୍ଧାର କରିଛି । ମୃତକ ଜଣଙ୍କ ନାକଟିଦେଉଳ ଛକରେ ଚା’ ଦୋକାନ କରିଥିବା ବେଳେ ତାଙ୍କ ନାଁ ରସାନନ୍ଦ ସାହୁ ବୋଲି ଜଣାପଡିଛି ।
ରସାନନ୍ଦ ଗୁରୁବାର ରାତିରେ ନଦୀକୁ ଶୌଚ ହେବା ପାଇଁ ଯାଇ ଆଉ ଫେରିନଥିଲେ । ତେବେ ଶୁକ୍ରବାର ସକାଳେ ତାଙ୍କ ମୃତଦେହ ଭାସୁଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛନ୍ତି । ତେବେ ଘଟଣାସ୍ଥଳରୁ ପିନ୍ଧା ଗାମୁଛା ଓ ଟର୍ଚ୍ଚ ଲାଇଟ୍ ଭାଙ୍ଗିକି ପଡିଥିବା ଦେଖିବାକୁ ମିଳିଛି ।
Powered by Froala Editor
