ଟ୍ରକକୁ ପିଟିଲା ଟ୍ରେଲର, ଦୁଇ ମୃତ
ଚଣ୍ଡିଖୋଲ : ଯାଜପୁର ଜିଲ୍ଲା ଧର୍ମଶାଳା ଥାନା ଦେଉଳି ଜାତୀୟ ରାଜପଥ-୧୬ ଜାରକା ନିକଟରେ ଟ୍ରକକୁ ପଛପଟୁ ପିଟିଲା ଟ୍ରେଲର । ଏହି ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ ହୋଇଛି ।
ଖବର ଅନୁଯାୟୀ, ୧୬ ନମ୍ବର ଜାତୀୟ ରାଜପଥ ଜାରକା ନିକଟରେ ଏକ ଲୁହା ଛଡ ବୋଝେଇ ଟ୍ରକ ଛିଡା ହୋଇଥିଲା । ଏହି ସମୟରେ ପଛ ପଟୁ ଏକ ଟ୍ରଲର ଆସି ଜୋରଦାର ଧକ୍କା ଦେଇଥିଲା । ଯାହାଫଳରେ ଘଟଣାସ୍ଥଳରେ ହିଁ ଟ୍ରକ ଏବଂ ଟ୍ରେଲର ଜଳିଯାଇଥିଲା । ଏପିରିକି ଉଭୟ ଗାଡିରେ ଥିବା ଦୁଇ ଡ୍ରାଇଭରଙ୍କ ନିଆଁରେ ପୋଡି ମୃତ୍ୟୁ ହୋଇଛି । ସେପଟେ ଖବର ପାଇ ଚଣ୍ଡିଖୋଲ ଓ ରସୁଲପୁର ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ୟ୍ୟ ଜାରି ରଖିଛନ୍ତି ।
Powered by Froala Editor
