ପ୍ରଥମଥର ଜଙ୍ଗଲରୁ ବାହାରି ବର୍ଗର ଖାଇଲେ ଏହି ଜନଜାତି, ଭାଇରାଲ ହେଲା ଭିଡିଓ
ଆଜି ବି ବହୁ ଜନଜାତିର ଲୋକ ଅଛନ୍ତି, ଯେଉଁମାନେ ସେମାନଙ୍କ ଚାଲିଚଳନରୁ ବାହାରି ପାରି ନାହାନ୍ତି । ଶହ ଶହ ବର୍ଷ ଧରି ନିଜର ପରମ୍ପରାକୁ ଜାବୁଡ଼ି ଧରିଥିବାରୁ ସେଥିରୁ ବାହାରିବାକୁ ସେମାନେ ଅନାଗ୍ରହୀ । ଏସବୁ ଭିତରେ ଦକ୍ଷିଣ ଆଫ୍ରିକାର ଜନଜାତିକୁ ନେଇ ଏକ ଅଜବ ଦୃଶ୍ୟ ଦେଖିବାକୁ ମିଳିଛି, ଯାହା ଏବେ ସୋସିଆଲ ମିଡ଼ିଆରେ ଖୁବ ଚର୍ଚ୍ଚିତ । ପ୍ରଥମ ଥର ଜଙ୍ଗଲରୁ ବାହାରି କିଛି ଜନଜାତି ସହରରେ ରେସ୍ତୋଁରାରେ ବର୍ଗର ଖାଉଥିବା ଦେଖିବାକୁ ମିଳିଛି ।
ସେମାନେ ବର୍ଗର ଖାଉଥିବାର ଭିଡି଼ଓ 'ମାସାଇ ବଏଜ' ନାମକ ଏକ ଚ୍ୟାନେଲରେ ପୋଷ୍ଟ କରାଯାଇଛି । କିନ୍ତୁ ସେମାନେ ମାଛକୁ ଘୃଣା କରୁଥିବା ଦେଖିବାକୁ ମିଳିଥିଲା । ଶେଷରେ ସେମାନେ ଗୋମାଂସ ଓ ପନିର ବର୍ଗର ଖାଇଥିଲେ । ଭିଡିଓରେ ଏହା ଦେଖାଯାଉଛି ଯେ, ବର୍ଗର କିପରି ଖାଆନ୍ତି ସେମାନେ ଜାଣିନାହାନ୍ତି । ସେମାନଙ୍କ ହାବଭାବରୁ ଲାଗୁଥିଲା ଏହାର ସ୍ୱାଦ ସେମାନଙ୍କୁ ଯେମିତି ଅଜବ ଲାଗୁଛି ।
ସେମାନେ ସେମାନଙ୍କ ଭାଷାରେ କଥାବାର୍ତ୍ତା କରୁଥିଲେ । ସେୟାର ହୋଇଥିବା ଭିଡିଓରେ ଏହି ଜନଜାତି ଇଂରାଜୀ କହୁଥିବା ମଧ୍ୟ ଦେଖିବାକୁ ମିଳିଛି । ଏହି ଭିଡିଓକୁ ଅନେକ ଲୋକ ପ୍ରଶଂସା ବି କରିଛନ୍ତି ।
Powered by Froala Editor
