ଦିନେ ୫୦୦ କୋଟିରୁ ଅଧିକ ଦାମ ଥିଲା, କିନ୍ତୁ ୧୦୦ କୋଟିରେ ବିକ୍ରି ହୋଇଗଲା ରାଜ କପୁରଙ୍କ ଘର
ଶୋ' ମ୍ୟାନ୍ ତଥା ଦିବଙ୍ଗତ ଅଭିନେତା ରାଜ କପୁରଙ୍କ ଘର ବିକ୍ରି ହୋଇଯାଇଛି । ରାଜ କପୁରଙ୍କ ବଙ୍ଗଳାକୁ ଗୋଦରେଜ୍ ପ୍ରପର୍ଟିଜ୍ ଲିମିଟେଡ୍ ୧୦୦ କୋଟି ଟଙ୍କାରେ କିଣିଛି। ଏନେଇ କମ୍ପାନୀ ସୂଚନା ଦେଇଛି।
ମୁମ୍ବାଇର ଚେମ୍ବୁର ଅଞ୍ଚଳର ଏକ ଏକର ଜମିରେ ତିଆରି ଏହି ବିଲ୍ଡିଂରେ ଅନେକ ବଲିଉଡର ସ୍ମରଣୀୟ ଫିଲ୍ମ ତିଆରି ହୋଇଛି। 'ଶ୍ରୀ-୪୨୦' ଠାରୁ ଆରମ୍ଭ କରି 'ବବି' ଯାଏଁ ଫିଲ୍ମ ଏଠାରେ ଶୁଟିଂ ହୋଇଛି। କୁହାଯାଉଛି ଯେ, ଏହି ଘରର ଦାମ୍ ୫୦୦ କୋଟି ଟଙ୍କାରୁ ଅଧିକ ଥିଲା। ତେବେ କପୁର ପରିବାର କିନ୍ତୁ ଏହି ଘରକୁ ଦେଖାରଖା କରିବାରେ ବିଫଳ ହେବା ପରେ ଏହାକୁ ବିକ୍ରି କରିବାକୁ ନିଷ୍ପତ୍ତି ନେଇଥିଲା। ବଙ୍ଗଳା ବିକ୍ରି ହେବା ନେଇ ରାଜ କପୁରଙ୍କ ପୁଅ ରଣଧିର କପୁର କହିଛନ୍ତି, ଚେମ୍ବୁରର ଏହି ସମ୍ପତ୍ତି ସହ ଆମ ପରିବାରର ଭାବପ୍ରବଣ ଜଡିତ। ଆମେ ପୁଣି ଥରେ ଗୋଦରେଜ ପ୍ରପର୍ଟିଜ ସହ ଜଡିତ ହୋଇ ଆନନ୍ଦିତ।
କମ୍ପାନୀ ଉକ୍ତ ସ୍ଥାନରେ ଏକ ବିଳାଶପୂର୍ଣ୍ଣ ଆବାଶିକ ପ୍ରକଳ୍ପ ତିଆରି କରୁବାକୁ ଯୋଜନା କରିଛି। ଗୋଦରେଜ କମ୍ପାନୀ କହିଛି, ଏହି ଜମିକୁ ରାଜ କପୁରଙ୍କ ଆଇନଗତ ଉତ୍ତରାଧିକାରୀ କପୁର ପରିବାରଠାରୁ କିଣାଯାଇଛି।
Powered by Froala Editor
