ବକ୍ସ ଅଫିସରେ ଧମାଲ କଲା ଅବତାର-୨
ଡିସେମ୍ବର ୧୬ରେ ରିଲିଜ ହୋଇଛି ଅବତାର ୨' । ରିଲିଜ ଦିନ 'ଅବତାର ୨' ଆଶାଠାରୁ ଅଧିକ ଆୟ କରିଛି। ପ୍ରଥମ ଦିନରେ ଫିଲ୍ମଟି ପାଖାପାଖି ୩୮ କୋଟିରୁ ୪୦କୋଟି ଟଙ୍କା ଆୟ କରିଛି। ମାର୍ଭେଲର 'ଆଭେଞ୍ଜର୍ସ: ଏଣ୍ଡ ଗେମ୍' ହେଉଛି ଭାରତର ପ୍ରଥମ ଦିନରେ ଅଧିକ ଆୟ କରିଥିବା ହଲିଉଡ୍ ଚଳଚ୍ଚିତ୍ର। ୨୦୧୯ରେ ରିଲିଜ ହୋଇଥିବା ଏହି ଚଳଚ୍ଚିତ୍ର ପ୍ରଥମ ଦିନରେ ୫୩କୋଟିରୁ ଅଧିକ ଟଙ୍କା ଆୟ କରିଥିଲା। ଏବେ ଅବତାର-୨ ପ୍ରଥମ ଦିନରେ ଭଲ ଆୟ କରିଥିବା ବେଳେ ଆଗକୁ ମଧ୍ୟ ଅନେକ ଫିଲ୍ମର ରେକର୍ଡ ଭାଙ୍ଗିବ ବୋଲି କୁହାଯାଉଛି।
୨୦୦୯ରେ ରିଲିଜ ହୋଇଥିବା ଜେମ୍ସ କ୍ୟାମେରନଙ୍କ ଫିଲ୍ମ 'ଅବତାର' ଦର୍ଶକଙ୍କୁ ଆଶ୍ଚର୍ଯ୍ୟ କରିଥିଲା। ସେତେବେଳେ ଭିଏଫଏକ୍ସ ଥିବା ଚଳଚ୍ଚିତ୍ରଗୁଡ଼ିକ ସେତେ ଅଧିକ ନିର୍ମାଣ ହେଉନଥିବା ବେଳେ 'ଅବତାର'ର ଗ୍ରାଫିକ୍ସ ଲୋକଙ୍କୁ ଆବାକ୍ କରିଥିଲା। ସପ୍ତାହ ଶେଷରେ ଏହି ଫିଲ୍ମଟି ବକ୍ସ ଅଫିସରେ ୧୫୦କୋଟି ଆୟ କରିବ ବୋଲି କୁହାଯାଉଛି ।
Powered by Froala Editor
