ଟ୍ରାକ୍ରେ ରିଲ୍ କରୁ କରୁ ମାଡିଗଲା ଟ୍ରେନ୍, ୩ ମୃତ
ଗାଜିଆବାଦର ମସୁରୀ ଟ୍ରେନ୍ ଟ୍ରାକ୍ରେ ରିଲ୍ ପ୍ରସ୍ତୁତ କରୁଥିବାବେଳେ ୩ ଜଣଙ୍କ ଜୀବନ ଚାଲିଯାଇଛି। ଏଥିରେ ଜଣେ ମହିଳା ଏବଂ ଦୁଇଜଣ ପୁରୁଷ ସାମିଲ ଅଛନ୍ତି। ରେଳବାଇ ଷ୍ଟେସନ ମାଷ୍ଟରଙ୍କ ନିକଟରୁ ପୁଲିସ ଏହି ସୂଚନା ପାଇ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ମିଳିଥିବା ସୂଚନାନୁଯାୟୀ, ବୁଧବାର ରାତିରେ ଗାଜିଆବାଦରୁ ଲଖନଉ ଯାଉଥିବା ଏକ ଏକ୍ସାପ୍ରେସ ଟ୍ରେନ ମସୁରୀର କଲ୍ଲୁ ଗଡି ରେଲୱେ କ୍ରସିଙ୍ଗ ନିକଟରେ ୩ ଜଣ ଭିଡିଓ କରୁଥିବା ସମୟରେ ଧାରଣାରେ ଟ୍ରେନ ଆସିବାରୁ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଫଳରେ ୩ ଜଣଙ୍କ ଜୀବନ ଚାଲିଯାଇଥିଲା। ପଦ୍ମାବତ ଏକ୍ସପ୍ରେସର ଲୋକୋ ପାଇଲଟ ଦାସନା ରେଳ ଷ୍ଟେଶନକୁ ଏହି ସୂଚନା ଦେଇଛନ୍ତି। ମୃତକ ମାନେ ହେଲେ ଶକିଲ (୩୨), ନଦିମ(୨୩) ଏବଂ ଜେନାବ (୨୦)। ଶକିଲ ଏବଂ ନଦିମ ବନ୍ଧୁ ଏବଂ ସେମାନେ ଟ୍ରକ ଡ୍ରାଇଭର ଥିଲେ। ନଦିମ ୬ ମାସ ପୂର୍ବେ ଜେନାବଙ୍କୁ ପ୍ରେମ ବିବାହ କରିଥିଲେ। ଘଟଣାର ତଦନ୍ତ କରାଯାଉଛି।
Powered by Froala Editor
