ଇଣ୍ଡିଗୋ ଜାରି କଲା ନୂଆ ଆଡଭାଇଜରି, ଜାଣନ୍ତୁ କ’ଣ...
ବିଶୃଙ୍ଖଳା ନେଇ ଅଭିଯୋଗ ହେବା ପରେ ଦିଲ୍ଳୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରେ ଇଣ୍ଡିଗୋ ଏୟାରଲାଇନ୍ ପକ୍ଷରୁ ଯାତ୍ରୀମାନଙ୍କ ସକାଶେ ଆଡ୍ଭାଇଜରି ଜାରି କରାଯାଇଛି। ଇଣ୍ଡିଗୋ ଏକ ଟ୍ବିଟ୍ ପୋଷ୍ଟ୍ ଜରିଆରେ ଏହି ଆଡ୍ଭାଇଜରି ଜାରି କରିଛି।
ଆଡ୍ଭାଇଜରିରେ ଘରୋଇ ଉଡ଼ାଣ କ୍ଷେତ୍ରରେ ଯାତ୍ରୀମାନଙ୍କୁ ବିମାନ ଉଡ଼ାଣର ଅତି କମ୍ରେ ୩.୫ ଘଣ୍ଟା ପୂର୍ବରୁ ବିମାନ ବନ୍ଦରରେ ପହଞ୍ଚିବାକୁ କୁହାଯାଇଛି। ଯାତ୍ରୀମାନେ ଖାଲି ଗୋଟାଏ ବ୍ୟାଗ୍ ନେଇ ପାରିବେ। କେବଳ ସେତିକି ନୁହେଁ, ସେଥିରେ ନେଉଥିବା ବ୍ୟାଗ୍ର ଓଜନ ୭ କିଲୋ ମଧ୍ୟରେ ସୀମିତ ରହିବା ଉଚିତ ବୋଲି ଆଡ୍ଭାଇଜରିରେ ଉଲ୍ଲେଖ କରାଯାଇଛି। ଯାତ୍ରୀମାନଙ୍କୁ ଦିଲ୍ଲୀ ବିମାନ ବନ୍ଦରର ଗେଟ୍ ନମ୍ବର ୫, ୬ ଓ ଟର୍ମିନାଲ ୩ ବ୍ୟବହାର କରିବାକୁ କୁହାଯାଇଛି। ଏହି ଟର୍ମିନାଲ୍ ଇଣ୍ଡିଗୋ ବିମାନରୁ ନିକଟତର ହୋଇଥିବାରୁ ଏହାକୁ ବ୍ୟବହାର କଲେ ଯାତ୍ରୀମାନଙ୍କୁ ସୁବିଧା ହେବ ବୋଲି ଜାରି ହୋଇଥିବା ଅଡ୍ଭାଇଜରିରେ ପ୍ରକାଶ ପାଇଛି।
ଅନେକ ସମୟରେ ଚେକ୍-ଇନ୍ ବେଳେ ବିଳମ୍ବ ହୋଇଥିବା ହେତୁ ଅନେକ ଥର ବିମାନ ନିର୍ଦ୍ଧାରିତ ସମୟରୁ ବିଳମ୍ବରେ ଉଡ଼ାଣ ଭରିଛି। ଏହି ସମସ୍ୟାକୁ ଦୂରେଇବା ପାଇଁ ଇଣ୍ଡିଗୋ ଏପରି ଘୋଷଣା କରିଛି।
Powered by Froala Editor
