ଜ୍ୟାକଲିନଙ୍କ ବିରୋଧରେ ନୋରା ଆଣିଲେ ଏହି ଅଭିଯୋଗ, ଜାଣନ୍ତୁ କ’ଣ?
ନୂଆଦିଲ୍ଲୀ: ନିଜ ଫାଇଦା ପାଇଁ ଜ୍ୟାକଲିନ ଫର୍ଣ୍ଣାଣ୍ଡିଜ ତାଙ୍କୁ ବ୍ୟବହାର କରୁଥିବା ଅଭିଯୋଗ ଆଣିଛନ୍ତି ଅଭିନେତ୍ରୀ ନୋରା ଫତେହି । ଏନେଇ ସେ ଦିଲ୍ଲୀର ଏକ କୋର୍ଟରେ ଜ୍ୟାକଲିନଙ୍କ ବିରୋଧରେ ଏକ ମାନହାନି ମକଦ୍ଦମା କରିଛନ୍ତି । ଜ୍ୟାକଲିନ ନିଜକୁ ବଞ୍ଚାଇବା ପାଇଁ ତାଙ୍କୁ ବଦନାମ କରୁଥିବା ଏବଂ ତାଙ୍କ କ୍ୟାରିୟର ନଷ୍ଟ କରିବାକୁ ଚାହୁଁଥିବା ନୋରା କହିଛନ୍ତି । ମନି ଲଣ୍ଡରିଂ ମାମଲାରେ ଠକ ସୁକେଶ ଚନ୍ଦ୍ରଶେଖର ସହ ଲିଙ୍କ ଅଭିଯୋଗରେ ଉଭୟ ଜ୍ୟାକଲିନ ଓ ନୋରାଙ୍କ ନାମ ସାମନାକୁ ଆସିଛି ।
ନୋରା କହିଛନ୍ତି, ସୁକେଶ ସହ ଜଡ଼ିତ ମାମଲାରେ ଭୁଲ ଭାବେ ତାଙ୍କୁ ଟଣାଯାଇଛି । ସୁକେଶଙ୍କ ସହ ତାଙ୍କର କୌଣସି ସିଧାସଳଖ ସମ୍ପର୍କ ନାହିଁ । ସୁକେଶଙ୍କ ସ୍ତ୍ରୀଙ୍କ ଜରିଆରେ ହିଁ ନୋରା ତାଙ୍କୁ ଜାଣିଥିଲେ । ସୁକେଶଙ୍କ ଠାରୁ କୌଣସି ପ୍ରକାରର ଉପହାର ସେ ନେଇନାହାନ୍ତି । ଏ ମାମଲାରେ ତାଙ୍କ ନାଁ ଆସିବା ପରଠାରୁ ସେ ବଦନାମ ହୋଇଛନ୍ତି । ଏଥିସହ ତାଙ୍କର ଆର୍ôଥକ କ୍ଷତି ମଧ୍ୟ ଘଟୁଛି । ଏଥିପାଇଁ ଜ୍ୟାକଲିନଙ୍କ ମିଛ ବିବୃତି ଏବଂ ସୋସିଆଲ ମିଡ଼ିଆରେ ତାଙ୍କ ନାଁରେ ମିଥ୍ୟା ପ୍ରଚାରକୁ ସେ ଦାୟୀ କରିଛନ୍ତି । ଆସନ୍ତା ୧୯ ତାରିଖରେ ପଟିଆଲା ହାଉସ୍ କୋର୍ଟ ଏହାର ଶୁଣାଣି କରିବେ ।
Powered by Froala Editor
