ବରଣମାଳା ପକାଇପାରିଲେନି, ବେଦିରେ କନ୍ୟାର ହୃଦଘାତ
![ବରଣମାଳା ପକାଇପାରିଲେନି, ବେଦିରେ କନ୍ୟାର ହୃଦଘାତ](https://odishanewslens.com/news_gallery/18021_1670172306.jpg)
ହସଖୁସିରେ ବିବାହ ଚାଲିଥିବା ବେଳେ ହଠାତ ବେଦି ଉପରେ ଟଳି ପଡିଲେ କନିଆଁ। ଏଭଳି କିଛି ଅଭାବନୀୟ ଘଟଣା ଘଟିଛି ଉତ୍ତରପ୍ରଦେଶ ଲକ୍ଷ୍ନୌର ଭଦୱାନା ଗାଁରେ।
ଏଠାରେ ରହୁଥିବା ରାଜପାଳଙ୍କ ଝିଅ ଶିବାଙ୍ଗୀଙ୍କ ବିବାହ ଭୋଜି ଚାଲିଥିଲା। ବରଯାତ୍ରୀ ବି ଆସି ଘରେ ପହଞ୍ଚି ଯାଇଥିଲେ। ବିବାହ ଭୋଜିରେ ସାମିଲ ଥିବା ସମସ୍ତଲୋକଙ୍କ ଭୋଜି ଖାଇ ବରମାଳା ଦେଖିବା ପାଇଁ ମଞ୍ଚ ପାଖରେ ଆସି ରୁଣ୍ଡ ହୋଇଥିଲେ। ଏହାପରେ ବର-ବଧୂ ମଞ୍ଚ ଉପରେ ଛିଡ଼ା ହୋଇଥିଲେ। ବର ବିବେକ ଶିବାଙ୍ଗୀଙ୍କୁ ବରମାଳା ଦେଇଥିଲେ। ଏହାପରେ ଶିବାଙ୍ଗୀ ବିବେକଙ୍କୁ ବରମାଳା ପିନ୍ଧାଇବା ପାଇଁ ମଞ୍ଚରେ ଛିଡ଼ା ହୋଇଥିବା ବେଳେ ହଠାତ ସେ ଟଳି ପଡ଼ିଥିଲେ। ଏହା ଦେଖି ଘଟଣାସ୍ଥଳରେ ହଇଚଇ ସୃଷ୍ଟି ହୋଇଯାଇଥିଲା।
ତୁରନ୍ତ ଶିବାଙ୍ଗୀଙ୍କୁ ଡାକ୍ତରଖାନା ନିଆଯାଇଥିଲା। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ହୃଦଘାତ ଯୋଗୁଁ ତାଙ୍କର ମୃତ୍ୟୁ ହୋଇଥିବା ଡାକ୍ତର କହିଥିଲେ। ଏହି ଘଟଣାପରେ ସମଗ୍ର ଅଞ୍ଚଳରେ ଶୋକରଛାୟା ଖେଳି ଯାଇଥିଲା। ଦୁଇ ପରିବାର ଓ ବନ୍ଧୁବାନ୍ଧଙ୍କ କାନ୍ଦରେ ବିବାହ ମଣ୍ଡପ ଫାଟି ପଡ଼ୁଥିଲା। ସେପଟେ ବିବେକ ଏହି ଘଟଣାରେ ସମ୍ପୂର୍ଣ୍ଣ ଭାବେ ଭାଙ୍ଗି ପଡ଼ିଛନ୍ତି।
Powered by Froala Editor