ରଣବୀର-ଆଲିଆଙ୍କ କୋଳକୁ ଆସିଲା ନହ୍ନି ପରୀ
କପୁର ପରିବାରକୁ ଆସିଛି ନୂଆ ଅତିଥି। ରଣବୀର କପୁର ଏବଂ ଆଲିଆ ଭଟ୍ଟଙ୍କର ଏକ କନ୍ୟା ସନ୍ତାନ ହୋଇଛି। ଖବର ଅନୁଯାୟୀ, କପୁର ଏବଂ ଭଟ୍ଟ ପରିବାର ମଧ୍ୟ ଉତ୍ସାହିତ ଅଛନ୍ତି। ଏହି ସମୟରେ ଆଲିଆ ଭଟ୍ଟ ଏକ ଇନଷ୍ଟାଗ୍ରାମ ମଧ୍ୟ ପୋଷ୍ଟ କରିଛନ୍ତି, ଯାହାକୁ ପ୍ରଶଂସକମାନେ ବହୁତ ପସନ୍ଦ କରନ୍ତି।
ଏହି ପୋଷ୍ଟରେ ସିଂହ-ସିଂହଳୀ ଏବଂ ଛୁଆର ଏକ ଫଟୋ ସେୟାର କରାଯାଇଛି। ଫଟୋରେ ଲେଖା ହୋଇଛି -ଆମ ଜୀବନର ସର୍ବୋତ୍ତମ ଖବର। ଆମର ଶିଶୁ ଆସିଛି, ଏବଂ ଏହି ଶିଶୁ କନ୍ୟା ସଂପୂର୍ଣ୍ଣ ଯାଦୁଗରୀ। ଆମେ ପ୍ରେମରେ ପରିପୂର୍ଣ୍ଣ, ଭାଗ୍ୟବାନ ଏବଂ ପିତାମାତା ହୋଇଛୁ ।
ବଲିଉଡର ଏହି ଚର୍ଚ୍ଚିତ ଦମ୍ପତିଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି। କପୁର ଖାନଦାନର କୁନି ପରୀର ପ୍ରଥମ ଝଲକ ଦେଖିବା ପାଇଁ ପ୍ରଶଂସକମାନେ ଅପେକ୍ଷା କରି ରହିଛନ୍ତି। ମାଆ ଏବଂ ଶିଶୁ ଉଭୟ ସୁସ୍ଥ ଅଛନ୍ତି।
ସୂଚନା ଥାଉକି, ଚଳିତ ବର୍ଷ ଏପ୍ରିଲ ମାସରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କର ବିବାହ ହୋଇଥିଲା। ଜୁନ୍ ମାସରେ ଆଲିଆ ଏବଂ ରଣବୀର ଖୁସି ଖବର ଦେଇଥିଲେ। ଆଲିଆଙ୍କ ଗର୍ଭବତୀ ହେବା ଖବର ଶୁଣି ତାଙ୍କର ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ। ବର୍ତ୍ତମାନ ଏହି ବଲିଉଡ ଦମ୍ପତି ପିତାମାତା ହୋଇଛନ୍ତି ।
Powered by Froala Editor
