ଭୁବନେଶ୍ୱର : କରୋନା ସଂକ୍ରମଣକୁ ରୋକିବା ପାଇଁ ବିଭିନ୍ନ ଦେଶର ଲକଡାଉନ ଅବଧି ବୃଦ୍ଧି କରାଯାଇଛି  । ଫଳରେ ଓଡ଼ିଶାରେ ବି ଲକଡାଉନ ବଢ଼ିବ ବୋଲି ଚର୍ଚ୍ଚା ହେଉଛି  । ସମ୍ଭବତଃ ଏନେଇ ସୋମବାର ଘୋଷଣା କରାଯିବାର ସମ୍ଭାବନା ରହିଛି  । ଅପରପକ୍ଷରେ ବିଶେଷଜ୍ଞମାନେ ଲକଡାଉନ ବୃଦ୍ଧି କରିବାକୁ ପରାମର୍ଶ ଦେଇଥିବାବେଳେ ମେ’ ୩୧ ପର୍ଯ୍ୟନ୍ତ ଲକଡାଉନ ବଢ଼ିବ ବୋଲି କୁହାଯାଉଛି  ।

ମହାରାଷ୍ଟ୍ରରେ ସର୍ବାଧିକ ସଂକ୍ରମିତ ଥିବାରୁ ମେ’ ୧୫ ପର୍ଯ୍ୟନ୍ତ ଲକଡାଉନ କରାଯାଇଥିଲା  । କିନ୍ତୁ ଏବେ ତାହା ଜୁନ ପହିଲା ପର୍ଯ୍ୟନ୍ତ ବୃଦ୍ଧି କରାଯାଇଛି  ।

ବିହାରରେ ମେ’ ୧୫ ପର୍ଯ୍ୟନ୍ତ ଲକଡାଉନ କରାଯାଇଥିବାବେଳେ ଏବେ ତାହା ମେ’ ୨୫ ପର୍ଯ୍ୟନ୍ତ ବୃଦ୍ଧି ହୋଇଛି  ।

କେରଳରେ ମେ’ ୧୬ ପର୍ଯ୍ୟନ୍ତ ପ୍ରଥମ ଦଫା ଲକଡାଉନ ହୋଇଥିଲା  । ଏବେ ତାହାକୁ ମେ’ ୨୩ ପର୍ଯ୍ୟନ୍ତ ବୃଦ୍ଧି କରାଯାଇଛି  । ସେହିପରି ୪ଟି ସହରରେ ଟ୍ରିପଲ ଲକଡାଉନ କରାଯାଇଛି  ।

ଉତରପ୍ରଦେଶରେ ମେ’ ୧୭ ପର୍ଯ୍ୟନ୍ତ ଲକଡାଉନ କରାଯାଇଥିବାବେଳେ ଏବେ ତାହା ୨୪ ପର୍ଯ୍ୟନ୍ତ ବୃଦ୍ଧି ପାଇଛି  ।

ଜାମ୍ମୁକାଶ୍ମୀରରେ ମେ’ ୧୭ ପର୍ଯ୍ୟନ୍ତ ଲକଡାଉନ ଥିଲା  । କିନ୍ତୁ ସଂକ୍ରମଣ ରୋକିବା ପାଇଁ ଲକଡାଉନ ଅବଧି ମେ’ ୨୪ ପର୍ଯ୍ୟନ୍ତ ବଢ଼ାଇ ଦିଆଯାଇଛି  ।

ଝାରଖଣ୍ଡ : ଝାରଖଣ୍ଡରେ ଚତୁର୍ଥ ଥର ପାଇଁ ସ୍ୱାସ୍ଥ୍ୟ ସୁରକ୍ଷା ଶପଥ ଅବଧି ବୃଦ୍ଧି କରାଯାଇଛି  । ଲକଡାଉନ ବଦଳରେ ଏଭଳି ନାମକରଣ କରାଯାଇଛି  । ମେ’ ୨୭ ପର୍ଯ୍ୟନ୍ତ ଏହା ବଳବତର ରହିବ  ।

ତାମିଲନାଡୁ : ମେ’ ୧୦ରେ ତାମିଲନାଡୁରେ ଲକଡାଉନ ନେଇ ଘୋଷଣା କରାଯାଇଥିଲା  । ତେବେ ସର୍ବଦଳୀୟ ବୈଠକରେ ଏହାକୁ ବୃଦ୍ଧି କରିବାକୁ ନିଷ୍ପତି ନିଆଯାଇଛି  । ମେ’ ୨୪ ପର୍ଯ୍ୟନ୍ତ ଏହା ବଳବତର ରହିବ  ।

Powered by Froala Editor