ସ୍କ୍ରିପ୍ଟ ରାଇଟର ଭାବେ ଡେବ୍ୟୁ କରିବେ ଆର୍ଯ୍ୟନ୍ ଖାନ୍, ଜୋର୍ଦାର୍ ଚଳାଇଛନ୍ତି ପ୍ରସ୍ତୁତି
![ସ୍କ୍ରିପ୍ଟ ରାଇଟର ଭାବେ ଡେବ୍ୟୁ କରିବେ ଆର୍ଯ୍ୟନ୍ ଖାନ୍, ଜୋର୍ଦାର୍ ଚଳାଇଛନ୍ତି ପ୍ରସ୍ତୁତି](https://odishanewslens.com/news_gallery/16810_1665433879.jpg)
ମୁମ୍ଵାଇ: ଶାହାରୁଖ୍ ଖାନ୍ଙ୍କ ପୁଅ ଆର୍ଯ୍ୟନ୍ ଖାନ୍ ଏବେ ପୁଣି ଥରେ ଚର୍ଚ୍ଚାରେ । ନିକଟରେ ଡ୍ରଗ୍ସ ପାର୍ଟି ରେଡ୍ ବେଳେ ସେ ଧରାପଡ଼ିବା ପରେ ଗଣମାଧ୍ୟମରେ ତାଙ୍କୁ ନେଇ ବେଶ୍ ଆଲୋଚନା ହୋଇଥିଲା । ଯେଉଁଥିପାଇଁ କିଙ୍ଗ୍ ଖାନ୍ ଓ ପୁଅ ଆର୍ଯ୍ୟନ୍ ଖାନ୍ ବଦନାମ୍ ମଧ୍ୟ ହୋଇଥିଲେ । ହେଲେ ବର୍ତ୍ତମାନ ସେ ପରିସ୍ଥିତି ନାହିଁ । ଏବେ ଆର୍ଯ୍ୟନ୍ଙ୍କୁ ନେଇ ଏକ ଭଲ ଖବର ଆସିଛି । ଖୁବ୍ଶୀଘ୍ର ସେ ଇଣ୍ଡଷ୍ଟ୍ରିରେ ଡେବ୍ୟୁ କରିବେ ବୋଲି ଶୁଣିବାକୁ ମିଳୁଛି । ମାତ୍ର କିଙ୍ଗ୍ ଖାନ୍ଙ୍କ ଭଳି ସେ କ୍ୟାମେରା ସମ୍ନାରେ ଅଭିନୟ କରିବେନି । ଜଣେ ସ୍କ୍ରିପ୍ ରାଇଟର ଭାବେ ସେ ଇଣ୍ଡଷ୍ଟ୍ରିରେ ପାଦ ଥାପିବାକୁ ଯାଉଛନ୍ତି । ଏଥିପାଇଁ ନିଜକୁ ସେ ଜୋର୍ଦାର ପ୍ରସ୍ତୁତ କରୁଥିବା ଜଣାପଡ଼ିଛି । କ୍ୟାମେରା ପଛରେ ସେ କମାଲ୍ କରିବେ ବୋଲି ଆଲୋଚନା ହେଉଛି ।
ଖବର ଅନୁଯାୟୀ, ଶାହାରୁଖଙ୍କ ପ୍ରଡକ୍ସନ କମ୍ପାନୀ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ବ୍ୟାନରରେ ତିଆରି ହେବାକୁ ଥିବା ୱେବସିରିଜ୍ ପାଇଁ ଆର୍ଯ୍ୟନ୍ ଶୀଘ୍ର ସ୍କ୍ରିପ୍ଟ ରାଇଟର ହେବାକୁ ଯାଉଛନ୍ତି । ଏଥିପାଇଁ ଶାହାରୁଖ ତାଙ୍କୁ ଭଲ ଟ୍ରେନିଂ ଦେବା ପାଇଁ ଇସ୍ରାଏଲ୍ର ଫିଲ୍ମ ମେକର ଲିଓର ରଜ୍ଙ୍କୁ ଚୟନ କରିଛନ୍ତି । ସେ ତାଙ୍କୁ ପ୍ରଶିକ୍ଷଣ ଦେଉଛନ୍ତି । ଆର୍ଯ୍ୟନ୍ ଖାନଙ୍କ ଏହି ଡେବ୍ୟୁ ପ୍ରୋଜେକ୍ଟରେ କାମ ଆରମ୍ଭ ହୋଇସାରିଛି । ଏହି ୱେବସିରିଜ୍ କାଷ୍ଟ ପାଇଁ ଅଡିସନ୍ ମଧ୍ୟ ଆରମ୍ଭ ହୋଇଛି । ଏହାର ସୁଟିଂ ଚଳିତ ବର୍ଷ ଶେଷ ସୁଦ୍ଧା ଆରମ୍ଭ ହେବ ବୋଲି ଆଶା କରାଯାଉଛି ।
ଖବର ଅନୁଯାୟୀ, ଶାହାରୁଖଙ୍କ ପ୍ରଡକ୍ସନ କମ୍ପାନୀ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ବ୍ୟାନରରେ ତିଆରି ହେବାକୁ ଥିବା ୱେବସିରିଜ୍ ପାଇଁ ଆର୍ଯ୍ୟନ୍ ଶୀଘ୍ର ସ୍କ୍ରିପ୍ଟ ରାଇଟର ହେବାକୁ ଯାଉଛନ୍ତି । ଏଥିପାଇଁ ଶାହାରୁଖ ତାଙ୍କୁ ଭଲ ଟ୍ରେନିଂ ଦେବା ପାଇଁ ଇସ୍ରାଏଲ୍ର ଫିଲ୍ମ ମେକର ଲିଓର ରଜ୍ଙ୍କୁ ଚୟନ କରିଛନ୍ତି । ସେ ତାଙ୍କୁ ପ୍ରଶିକ୍ଷଣ ଦେଉଛନ୍ତି । ଆର୍ଯ୍ୟନ୍ ଖାନଙ୍କ ଏହି ଡେବ୍ୟୁ ପ୍ରୋଜେକ୍ଟରେ କାମ ଆରମ୍ଭ ହୋଇସାରିଛି । ଏହି ୱେବସିରିଜ୍ କାଷ୍ଟ ପାଇଁ ଅଡିସନ୍ ମଧ୍ୟ ଆରମ୍ଭ ହୋଇଛି । ଏହାର ସୁଟିଂ ଚଳିତ ବର୍ଷ ଶେଷ ସୁଦ୍ଧା ଆରମ୍ଭ ହେବ ବୋଲି ଆଶା କରାଯାଉଛି ।
Powered by Froala Editor